"Dinamo" Hakim Fuzaylovdan oldin qaysi murabbiyga taklif bilan chiqqani malum

Bizga malum bo'lishicha "Dinamo" jamoasi o'tgan mavsum oxirida bosh murabbiylik postiga bir qator nomzodlarni ko'rib chiqqan. Ular orasida serbiyalik murabbiy Nikola Lazarevich ham bo'lgan. Buni murabbiyning o'zi saytimiz muxbiriga malum qildi.

"Ha, Samarqandning "Dinamo" jamoasidan taklif bo'lgandi. Klub Pro ligada ishtirok etadi. Lekin meni faqat Superliga jamoalari qiziqtiradi. SHuningdek "Navbahor" bilan ham muzokaralar olib bordik. Ammo ular mahalliy mutaxassis bilan hamkorlikni davom ettirishga qaror qilishdi",- deydi Lazarevich. 

Malumot o'rnida takidlash joizki, serbiyalik murabbiy bugungi kunda Saudiya Arabistoning "Al Taavun" jamoasi bosh murabbiyi lavozimida ish boshlagan. Murabbiyning so'nggi ish joyi Liviyaning "Al Nasr" va Tojikistonning "Xo'jand" jamoalari bo'lgandi.