"Dinamo" - "Buxoro" uchrashuvi oldidan

Dinamo stadioni tomon muxlislar kelishi boshlangan. O'yingoh kassalarida chiptalar sotuvi naqd va plastik kartalari orqali amalga oshirilmoqda.

Ikkinchi davra oldidan Dinamo tarkibida bir qator o'zgarishlar sodir bo'lgani sababli, bugungi o'yinga muxlislarning qiziqishi yanada oshgan. Umuman olganda, ko'hna va qadimiy Samarqand va Buxoro jamoalari o'rtasidagi o'yinlar har doim juda qiziqarli o'tganligini aytib o'tish mumkin. Qolaversa, sobiq dinamochilarning Buxoro safida to'p surayotganligi o'yinning yanada murosasiz kurashlarga boy o'tishini anglatib turibdi. SHunday ekan, Dinamo stadioniga keling va qiziqarli o'yinda sevimli jamoangizni qo'llab-quvvatlang! - deb yozadi Dinamo klubi rasmiy tvitteri.