"Dinamo" - "Bunyodkor". Kim finalga chiqadi?

Final yo'llanmasini taqdim etuvchi qarama-qarshilik oldidan jamoalarning o'zaro o'yinlari tarixiga etibor qaratamiz.

YARIM FINALNI ZOKIR QODIROV BOSHQARADI

O'zbekiston Kubogi yarim final javob uchrashuvini boshqarib boradigan hakamlar brigadasi elon qilindi.

PFL elon qilgan ro'yxatga binoan, uchrashuvni navoiylik referi Zokir Qodirov boshqarib boradi. Unga qanotlarda Obid Jumaev va Ruslan Samandarov yordam berib boradi. O'yin nazoratchisi Arslon Xotamov.

O'zbekiston Kubogi-2017.
Yarim final. Javob uchrashuvi.
6 oktyabr (juma)
Dinamo (Samarqand) – Bunyodkor (Toshkent)
Hakamlar: Z. Qodirov (Navoiy), O. Jumaev (Navoiy), R. Samandarov (Navoiy), A. Ergashev (Toshkent)
Nazoratchi: A. Xotamov (Toshkent).
Dastlabki uchrashuv – 0:0.
Uchrashuv boshlanish vaqti: 15:00
TV-translyaciya: Sport TV (takror, 22:10)

O'ZARO O'YINLAR: 22-TO'QNASHUV
Dinamo va Bunyodkor klublari o'zaro bugungacha 21 marta to'qnash kelishgan. O'zaro uchrashuvlarda statistika Bunyodkor ustunligini ko'rsatmoqda. Bunyodkor 15 ta o'yinda g'olib bo'lgan, 3 ta o'yin durang hisobida yakunlangan. Dinamo ushbu raqibni hozirgacha bir marta mag'lub etgan.

To'plar nisbatida ham ustunlik Bunyodkor tomonida - 38:9. Bunyodkorning o'zaro o'yinlarda qozongan eng yirik g'alabasi – 4:0ga teng. Dinamoning yagona g'alabasi – 1:0.

Samarqandda bo'lib o'tgan so'nggi besh uchrashuv:
12.10.2017 Dinamo - Bunyodkor 0:2
12.10.2015 Dinamo - Bunyodkor 1:1
06.04.2014 Dinamo - Bunyodkor 0:2
18.04.2013 Dinamo - Bunyodkor 0:3
21.05.2012 Dinamo - Bunyodkor 0:1.

TO'RTINCHI UCHRASHUV
Ushbu jamoalar 2017 yil hisobidan 4-marta to'qnash kelishmoqda. Oliy Liga birinchi davra bahsida Toshkentda 1:1 hisobi qayd etilgan bo'lsa, O'zbekiston Kubogi yarim final dastlabki uchrashuvi doirasida Bunyodkor maydonida o'tgan bahsda ham durang – 0:0 hisobi qayd etilgan edi. Uchinchi to'qnashuv Oliy Liga ikkinchi davrasidagi uchrashuv sifatida qayd etilib, unda Bunyodkor Samarqandda 0:2 hisobida zafar quchgandi. Ko'ramiz, final yo'llanmasini taqdim etuvchi to'rtinchi bahsda kim g'olib bo'larkin…

KIM QANDAY HOLATDA?

Mehmon jamoa Bunyodkor so'nggi 7 uchrashuvdan 6 tasida g'alabaga erishdi, 1 o'yinda durang qayd etdi.

Dinamo esa ikkinchi davrada hali g'alaba nimaligini bilgani yo'q. Jamoa so'nggi 7 uchrashuvdan to'rttasida durang, uchtasida mag'lubiyatga uchradi.

Dinamoning so'nggi 7 o'yini natijasi:
SHo'rtan - Dinamo - 1:0
Dinamo - Paxtakor - 0:0
Navbahor - Dinamo - 1:0
Dinamo - Qo'qon-1912 - 0:0
Buxoro - Dinamo - 0:0
Dinamo - Bunyodkor - 0:2
So'g'diyona - Dinamo - 0:0

Bunyodkorning so'nggi 7 o'yini natijasi:
Bunyodkor - Olmaliq - 1:0
Nasaf - Bunyodkor - 0:1
Bunyodkor - Olmaliq - 2:0
Qizilqum - Bunyodkor - 3:3
Bunyodkor - Neftchi - 2:0
Dinamo - Bunyodkor - 0:2
Bunyodkor - Mashal - 4:0

KIM QANDAY ETIB KELDI?

Dinamo yarim finalgacha Zomin, Olmaliq, Mashal to'sig'idan o'tgan bo'lsa, Bunyodkor SHo'rtan va Neftchini mag'lub etib, yarim finalga yo'l olgandi.

FAKT… SO'NGGI MARTA FINALDA...

Bunyodkor so'nggi bor 2015 yilda Jizzaxda Nasafga qarshi O'zbekiston Kubogi finalida to'p surib mag'lubiyatga uchragan bo'lsa, Dinamo 2000 yilda Toshkentda kubok finalida Do'stlik jamoasiga mag'lub bo'lgan edi.

Dinamo klubi matbuot xizmati.