"Dinamo" - "Andijon" uchrashuvi Samarqandda bo'ladi
19 iyu 2024 17:54
Yangiliklar

"Dinamo" - "Andijon" uchrashuvi Samarqandda bo'ladi

"Dinamo" maydoni futbol uchrashuvlarini qabul qilish uchun tayyor.

CHim, uning ostidagi drenaj va sug'orish tizimlari bilan bog'liq muammo bartaraf etilgan bo'lib, endilikda uni amalda sinab ko'rish lozim.

Avvalroq "Dinamo" Superliga uchrashuvlaridan birini o'tkazish taklifi bilan chiqqan bo'lib, PFL o'rganishlar xulosasi asosida qator kamchiliklarni aniqlagan hamda taklif rad etilgandi. SHundan keyin ayrim masalalarda ijobiy o'zgarishlar yuz berdi. Mana shu jihatni inobatga olib, Superliga 12-turidan o'rin olgan "Dinamo" — "Andijon" uchrashuvini Samarqand shahrida o'tkazish maqsadga muvofiq deb topildi.

20-21 iyun kunlari PFL mutaxassislari Samarqand shahrida bo'ladi va stadionni to'liq qayta ko'zdan kechiradi. Maydonning qanchalik tayyor ekanligi va uning kelgusi parvarishi borasidagi rejalar "Andijon" bilan o'yindan keyin yana bir karra aniqlashtirib olinadi. Stadionning texnik hududi bilan bog'liq qolgan masalalar yuzasidan esa PFL viloyat hokimligi hamda "Dinamo" futbol klubi o'rtasida qo'shimcha kelishuv imzolaydi. Unda qayd etilgan masalalar joriy yilning 20-iyul sanasiga qadar bartaraf etilgan taqdirdagina "Dinamo" 2-davra bellashuvlarini to'liq Samarqand shahrida o'tkazishi mumkin bo'ladi.

SHundan kelib chiqib, Superliga 12-turidan o'rin olgan "Dinamo" — "Andijon" uchrashuvi 22 iyun kuni test tariqasida Samarqand shahrida o'tkaziladi. "Dinamo" stadioni bilan bog'liq kelgusi rejalarga roppa-rosa bir oydan keyin aniqlik kiritiladi.

Dinamo

Anvar Hojimirzaev - 36'

Superliga. 12-tur

22/06/2024, 20:00

Tugadi

Andijon

Bektemir Abdumannonov - 69'

45'

90'