Dilshod Jo'raev qaerda?

Biroq o'tgan yil jamoaga Sergey Lushan kelgach Jo'raev zaxirada qolib keta boshladi. Futbolchi jamoaning oliy liga va kubok o'yinlari uchun bergan zayavkasidan o'rin olmadi. SHu bois "Futbol Ekspress" gazetasi muxbiri Dilshod bilan bog'landi.

- To'g'ri hozir "Bunyodkor" safida emasman. Jamoa meni chempionatga topshirgan ro'yxatga ham kiritgani yo'q. Nima uchun bunday bo'lganini o'zim ham hayronman. Qishda jamoa bilan mavsumga tayyorgarlik ko'rdim. Yaqin-yaqingacha ham mashg'ulotlarda ishtirok etayotgandim. Biroq negadir bosh murabbiy meni chetga chiqarib qo'ydi. Buning sababini yaxshisi murabbiy va klub mutasaddilaridan so'raganingiz maqul, - deydi Dilshod Jo'raev.  

SHundan so'ng klub bosh murabbiyi Sergey Lushanning ham fikrlarini tingladik:

- Ayni paytda Dilshod Jo'raev asosiy tarkib bilan mashg'ulotlarimizda ishtirok etmayapti va u erkin futbolchiga aylangan. O'ziga yangi klub topguniga qadar Dilshod o'rinbosarlarimiz bilan shug'ullanib turibdi. Uni oliy ligaga ham zayavka qilmadik. Yurtimizda chempionat bahslari boshlanib bo'ldi va uni qaysi jamoada o'ynashini bilmayman. U mavsum boshlanishi arafasida boshqa klubga o'tishini aytdi. Biz uning qaroriga qarshilik qilmadik. U qaysidir jamoa bilan muzokara ham o'tkazdi. Lekin nimagadir bu o'tish amalga oshmadi. SHuni aytishim kerakki, Dilshod iqtidorli futbolchi. To'g'ri ayni paytda jamoamizda raqobat kuchli. Agar Jo'raev jamoada qolganida ko'p vaqtini zaxirada o'tkazishi mumkin. Ko'proq o'ynashni istagani uchun futbolchining o'zi ketishga ruxsat berishlarini so'radi, - deydi Sergey Lushan.


Boburbek Tursunov