Dilshod Nuraliev: “Marokash bilan finalda to'qnash kelsak yaxshi bo'lardi”

"Avvalo ajoib o'yin uchun Marokash termasi murabbiyini tabriklayman. Bugun raqibimiz maydonda juda yaxshi harakat qildi, lekin biz ham bo'sh kelmadik va shogirdlarim durangni ushlab qola bilishdi. Marokash kuchli jamoa ekanini oldindan bilardik va shuning uchun o'z vaqtida Tunis, Kot-D‘Ivuar singari jamoalar bilan o'rtoqlik o'ynagandik. Marokash o'yin uslubi bilan Tunisni eslatib yubordi. Nasib qilsa, finalda yana shu jamoaga qarshi to'p surish niyatimiz bor" - deydi Dilshld Nuraliev.

- Bugun Xorvati ya ham g'alaba qozondi va dastlabki uch ochkoni qo'lga kiritdi. Bundan ko'rinib turibdiki, guruhdagi oxirgi uchrashuv ham keskin kechadi.
- Jahon chempionati o'z nomi bilan jahon chempionati. Bunda oson o'yinlar bo'lmaydi. Biz dastlabki ikki uchrashuvga qanday hozirlik ko'rgan bo'lsak, xorvatiya bilan ham shunday tayyorgarlik ko'ramiz.

- Bugungi o'yin va natija o'smirlarimizning guruhdan chiqishiga hamda turnirda uzoqroqqa borishiga imkoniyat yaratdi deyish mumkinmi?
- Har bir murabbiy o'z oldiga yuqori maqsadlarni qo'yadi. Men ham murabbiy sifatida jamoamning turnirda ko'proq qolishini xohlayman. Bir so'z bilan aytganda, biz navbatdagi bahsga o'ta jiddiy qaraymiz va ertadan tayyorgarlikni boshlab yuboramiz.

Xayrullo Xoliqov