Dilshod Jo'raev: "Hozirgi kunda "Bunyodkor" va "Lokomotiv" turnir jadvalida o'ziga yarashadigan o'rinda emas"
01 avg 16:01
Yangiliklar
![](https://championat.asia/upload/storage/797765_original.jpg)
![](/upload/storage/797765_220.jpg)
Dilshod Jo'raev: "Hozirgi kunda "Bunyodkor" va "Lokomotiv" turnir jadvalida o'ziga yarashadigan o'rinda emas"
- "Lokomotiv" jamoasi qanday kirishib ketdingiz? Turkiyadagi yig'in qanday kechdi?
- Jamoa meni ajoyib qabul qildi. Barcha men uchun aka-ukadek. Turkiyadagi yig'inni ham yaxshi o'tkazdik. Barcha tomonlama tayyorgarlik ko'rdik. Endi barchasini rasmiy o'yinlarda isbotlashimiz kerak. Barchasi rasmiy uchrashuvlarda namoyon bo'ladi.
- Faoliyatingiz davomida Mirjalol Qosimov va Viktor Kumikov kabi tajribali murabbiylar bilan ishlagansiz. Aleksandr Krestinindek bosh murabbiy ishlamoqdamiz. Krestinin jamoasida o'ynash qanday ekan?
- Bosh murabbiyimizning eng katta ustunliklaridan biri bu insoniylik ekan. Futbol o'z yo'liga, ammo insoniylik ham juda muhim xislat. Futboldagi qarashlari ham men maqul keldi. Taktik jihatlama ko'p narsa o'rganayapman. Kelajakda bosh murabbiy bo'lganimda Krestinindan o'rgangan narsalarimni qo'llashim aniq.
- Toshkent klublari haqida gapirib o'tsangiz? Sizdek tajribali futbolchining fikrini bilish qiziq.
- 6-7 yil avvalgi holat haqida gapiradigan bo'lsam. "Bunyodkor" va "Lokomotiv" jamoalari eng katta raqobatdosh edi. Oldimizga katta maqsadlar qo'yilar edi. Mintaqada ham yaxshi natijalar qayd etishni reja qilardik. Koreya va Yaponiya klublariga qarshi muntazam o'ynardik. "Paxtakor" ham o'zining birinchiligini isbotlashga harakat qilar edi. Hozirgi kunda esa "Paxtakor"dan boshqa Toshkent klublari yaxshi natija qayd eta olmayapti. Jamoalar o'zining imkoniyatidan pastroq o'rinlarni egallab turibdi.
O’xshash yangiliklar
![AMP Logo](https://championat.asia/image/logo-amp.png)
Fikrlar