Dilmurod SHavkatov: “Ertaga bizni juda muhim o'yin kutmoqda”

CHempionlik uchun kurashayotgan “Lokomotiv” futzalchilari “Neftchi”ga qarshi maydonga tushdi. Bellashuv 6:2 hisobida toshkentliklarning g'alabasi bilan yakunlandi. Mazkur o'yinda dublga erishgan Dilmurod SHavkatov fikrlariga quloq tutdik. 

- “Neftchi”  bilan o'yin juda qiyin bo'ldi. Garchi g'alaba qozongan bo'lsakda, ular ham etarlicha qarshilik ko'rsatdi. CHunki ikkala jamoada ham vaziyatlar yaratildi va ulardan foydalanishda bizga omad kulib boqdi va muhim uch ochkoga ega bo'ldik.

Joriy mavsumda to'purarlar ro'yxatida kamida uchtalikda bo'lishni maqsad qilganman. Lekin jamoaviy g'alabalar muhim ahamiyatga ega. “Lokomotiv” bilan chempionlikga erishishni rejalashtirganmiz. 

Ertaga bizni juda qiyin o'yin kutmoqda. CHunki “Huaxin-Jizzax” safida milliy terma jamoaning ko'plab futbolchilari to'p tepishadi. Juda muhim bellashuv bo'ladi, - dedi futzalchi.