Dilmurod Karimov futbolchilik faoliyatini yakunladi
29 mar 2021 12:35
Yangiliklar
Dilmurod Karimov futbolchilik faoliyatini yakunladi
Dilmurod Karimov 1989 yil 27 iyun oyida Sirdaryo viloyatida tug'ilgan. 1999 yilda Sirdaryo viloyati Yangier shahri futbol maktab internatiga qabul qilingan. 2006 yilda birinchi liga vakili PFK “Guliston” jamoasida futbolchilik faoliyatini boshlagan. 2007-2017 yillar davomida Bekobodning “Metallurg” klubida yorqin o'yinlarni namoyish qilgan. Faoliyati davomida “So'g'diyona”, “Dinamo” va so'nggi klubi “Yangier” bo'ldi. SHuningdek, IFFHS tomonidan tuzilgan So'nggi 10 yillikning eng sermahsul himoyachilari reytingda Dilmurod Karimov 35ta gol bilan 52-o'rinni egallagan. Hozirgi kunda Dilmurod Karimov “Yangier” jamoasida Ildar Sakaevga yordamchi murabbiy sifatida ish olib bormoqda.
“Futbolchilik faoliyatim yorqin o'tdi deya olaman. Uzoq yillar davomida asosan “Metallurg” klubida faoliyat olib bordim. Menga futbolchi sifatida o'sishimda murabbiylarim SHamil Tolipov, SHavkat Saidov, Rustam Mirsodiqovning xizmatlari katta bo'lgan va buning uchun ularga cheksiz minnatdorchiligimni izhor qilaman.
Faoliyatimda yangi sahifa ochilmoqda, yani shu yillar davomida orttirgan tajriba va bilimlarimni kelajak avlod bilan bo'lishmoqchiman. 2021 yildan etiboran “Yangier” jamoasida yordamchi murabbiy sifatida faoliyatimni davom ettiraman”- deydi Dilmurod Karimov.
Biz ham shu o'rinda Dilmurod Karimovga murabbiylik faoliyatida ulkan omadlar tilaymiz.
Fikrlar