D.Fayziev: “Muxlislarga katta rahmat aytaman”

– Bugun biz o'zimiz uchun suv va havodek zarur ochkolarni qo'lga kiritdik. Birinchi 30 daqiqada ustunlik mehmonlar tomonida bo'ldi. Agar ular to'p kiritishganda, o'yin umuman boshqacha ko'rinishda bo'lishi mumkin edi. Muxlislarga katta rahmat aytaman. Garcha o'tgan turda yirik mag'lubiyatga uchraganimizga qaramay stadionga 7500 ga yaqin muxlislar bizga ishonch bildirib tashrif buyurishi biz uchun katta sharaf. Bugungi g'alabamiz bilan oz bo'lsa ham muxlislarimiz oldida yuzimiz yorug' bo'ldi deb o'ylayman.

– Bugun maydonda sizga yordamchi sifatidan Ruslan Ahmedov o'rnida Aleksandr Mochinovni ko'rdik?

– Ha bu juda tez ro'y berdi. Ikki kun bo'ldi. O'tgan turda yirik mag'lubiyatga uchrashganimizdan so'ng rahbariyat bilan ishdan ketishim to'g'risida gaplashgandim. Rahbariyat esa menga ishonishda davom etishlarini aytishdi. Bu uchun ularga katta rahmat aytaman. Hozircha Ruslan Ahmedov va Diyor Fayzievlar yoshlarimiz bilan shug'ullanishayapti. O'tgan kunidan boshlab, Mochinov menga maslahatchi va yordamchi murabbiy vazifasida ishlay boshladi. Rahbariyat menga o'zim uchun yordamchi tanlashimni aytishganda, uni jamoamizga taklif etdim.

– Jasur Hakimovni maydonga tushmaganligi haqida to'htalsangiz..

– To'g'ri Hakimov bugun zahirida qoldi. Uning nomiga klubimizga O'FFdan chaqiruv hati kelgan. Olimpiya terma jamoasi yig'inlariga va keyingi musobaqalarga qatnashishi to'g'risida. Biz bir hujumchiga tayanib qolmaslik maqsadida, bugun uning o'rnida Akmal Abdurahmonovni maydonga tushirdik. Hakimov terma jamoa bilan bo'lgan vaqtlarda uning o'rnida harakat qiladigan futbolchilarni yaxshiroq aniqlab olishimiz kerak. Lekin Jasur jamoamizga o'z o'yini bilan katta yordam beradigan futbolchi.

– “Navbahor”ning so'nggi ikki o'yinlarini o'rganib chiqqandik. SHogirdlarimga mehmonlarning qarshi hujumlariga jiddiy etibor berib, bor kuchlari bilan kurash olib borishlarini takidlagandim.

– “Interfutbol” gazetasi va uff.uz saytlarida “So'g'diyona” haqidagi maqolalar xabarlar ko'pchilikni etiborini tortdi. Bu haqida qanday fikrdasiz?

– Rostini aytsam bunday xabarlarga etibor qaratmayman. Agar hammani har hil fikri bilan yashaydigan bo'lsak, bilmadim qanday hayot bo'ladi. Men oldinlari ham aytganman, marhamat o'yinlarimizni stadionda kelib o'z ko'zlari bilan ko'rishsin. So'nggi vaqtlarda biz tomon otilayotgan toshlar ko'payib qoldi. Yomg'irda o'yin bo'lsa “So'g'diyona”ga tegishli gaplar…o'sha “Interfutbol” gazetasidagi ketma-ket maqolalar… Biz jurnalistlarni hurmat qilamiz. Lekin asossiz, noo'rin gaplarga bundan keyin qatiy kurashamiz va javob beramiz.