Devid Moyes: "Bu o'yin haqiqiy sinov"

"Bavariya" o'tgan mavsumda juda kuchli o'yin namoyish etdi va barcha musoboqalarda tengsiz bo'ldi. Bu yildan esa ular yanada kuchayishdi. Ularni yangi murabbiy boshqarib bormoqda. "Bavariya" jamoasini mamlakat chempionligini qo'lga kiritgani bilan tabriklayman. Hozirda ko'plab odamlar aynan shu jamoaning o'yinini zavq bilan tomosha qilishmoqda.  Qisqa vaqt ichida "Manchester Yunayted"  bilan ham ushbu turnirda yaxshi natijalarni qo'lga kiritdik va buni davom ettirishni istayapmiz. Men bu turnirda etarli tajribaga ega emasman. Lekin shunday bo'lsada kerakli natijalarni qayd eta oldik. "Bavariya"ga qarshi o'yin biz uchun haqiqiy sinov bo'ladi. Bu o'yin oldidan har ikkala jamoaga katta bosim bor. Bu borada tenglik. Biz ham, ular ham keyingi bosqichga o'tishni xohlayapmiz. Bilamiz, agarda o'yinimiz o'xshasa har qanday raqibdan kuchliroq o'ynashimiz mumkin. Ko'proq kuchli va ishonchliroq o'ynashimiz zarur. Ana o'shanda o'z kuchimizga bo'lgan ishonch yanada ortadi. Men bu gaplarni klubga kelganimdan buyon aytib kelaman va yana qaytaraman.