Dejavyu: Bugun Rimda Turindagi holat takrorlanishi mumkin
02 mar 2021 22:00
Yangiliklar

Dejavyu: Bugun Rimda Turindagi holat takrorlanishi mumkin

Avvalroq, Italiya futbol federaciyasi prezidenti Gabriele Gravina A Seriya 25-turidan o'rin olgan “Lacio” – “Torino” bahsi mehmonlar koronavirus bilan bog'liq holatlar ortgani tufayli o'tkazilmasligini aytgandi.

Biroq, Liga Kengashi bugungi uchrashuvni belgilangan vaqtda o'tkazishga qaror qildi, deya xabar beradi Football Italia. “Torino” navbatdagi testdan o'tishi kerak, shu tufayli haligacha Rimga etib kelmadi. Turin hokimiyati ham hozircha jamoaga shahardan chiqib ketishiga ruxsat bermadi. “Buqalar” 23 fevral kuni mashg'ulotlarni to'xtatgan va jamoada COVID-19 bilan kasallanganlar 8 nafarni tashkil etmoqda.

SHu kabi holat 3-tur doirasida “Yuventus” – “Napoli” uchrashuvida yuz bergandi. Neapol hokimiyati “Napoli”ga shaharni tark etishni taqiqlagandi, ammo Liga rahbariyati mazkur uchrashuvni boshqa kunga ko'chirmadi va neapolliklarga 0:3 hisobidagi texnik mag'lubiyat yozdirgan edi. Qayd etish joiz, "Yuve" o'shanda uchrashuv uchun asosiy tarkibni elon qilib, futbolchilar va klub xodimlari bilan birga o'yin bo'yicha rasmiy qarorni malum muddat maydonda kutgandi.

Keyinchalik esa “Napoli” bahsni takroriy o'tkazish bo'yicha apellyaciya berib, unda g'olib chiqdi. Ushbu o'yin 17 mart kuni o'tishi rejalashtirilgan.

Lazio

Serie A . 25-tur

19/05/2021, 00:30

Tugadi

Torino

Stadion: Stadio Olimpico, Rome, 0 tomoshabin

Bosh hakam: Michael Fabbri

45'

90'