De Yong "Barselona"dan "Manchester Yunayted"ga ehtimoliy o'tishi haqidagi savolga javob berdi

"Orzuimdagi klub bo'lmish "Barselona"daman. APLga o'tish menga yangi impuls beradimi? Balki. Ammo, "Barsa"da juda mamnunman. Ketish haqidagi savolga javob berish doim qiyin. Hozircha menga shu er yaxshi!", — deya javob berdi de Yong.

Eslatib o'tamiz, oldinroq "Barselona" sport direktori Dekuning Frenki de Yongning kasallik sabab "Antverpen"ga qarshi o'yinga jamoa bilan bora olmasligini aytgan gapiga ishonmagani xabar qilingan edi. Niderlandiyalik futbolchining agenti keyinroq ushbu mish-mishlarni rad etdi.

De Yong joriy mavsum barcha musobaqalarda 11ta o'yinda maydonga tushib, 1ta gol urishga erishdi.