De Xea “Manchester Yunayted”da qolib, zaxira darvozaboni bo'lishga tayyor

The Telegraph xabariga ko'ra, futbolchi murabbiylar shtabi va rahbariyat bilan uchrashib, jamoada qolish istagini bildirgan. Qayd etilishicha, darvozabon “Manchester Yunayted”ning zaxira darvozaboni bo'lishga ham tayyor. 

De Xea “Manchester Yunayted”da 2011 yildan buyon to'p suradi. Bungacha darvozabon faqat Madridning “Atletiko” klubida o'ynagan. 

32 yoshli De Xea o'tgan mavsumda “Manchester Yunayted” safida barcha turnirlar doirasida 58 ta o'yinda maydonga tushib, 61 ta gol o'tkazib yuborgan va 25 marta o'z darvozasi daxlsizligini saqlab qolgan.