Davron Mirzaev "Andijon"ga keladi

Aytish kerakki, bugundan tarkibga ham bir qator yangi o'yinchilar qo'shilishmoqda. Mashg'ulotlarning dastlabki kunida jamoamiz safida 5 nafar yangi futbolchi shug'ullandi.

Litvadan kelgan Gedeminas Paulauskas va Neriyus Astrauskas jamoamiz bilan mashg'ulotlarga kirishishdi. SHuningdek, darvozabon Artur Parvanov, yarim himoyachilar Mirzakamol Kamolov va Sobir Usmonxo'jaev “Andijon” bilan mashg'ulotlarni boshlashdi. Bu futbolchilar orasida Kamolov uchun “Andijon” begona jamoa emas. CHunki u 2008-2010 yillarda ham jamoamiz sharafini himoya qilgan. Kamolovning faoliyatidagi eng yaxshi o'yinlari ham aynan “Andijon” bilan bog'liq desak mubolag'a bo'lmaydi. Uch yillik tanaffusdan so'ng yarim himoyachi “Andijon”ga qaytmoqda. “Lokomotiv”dagi faoliyatlari orqali muxlislarga yaxshi tinish bo'lgan Parvanov bilan Usmonxo'jaev o'z omadlarini endi “Andijon”da sinab ko'rishmoqchi. Hozircha bu futbolchilar ko'rikdan o'tkazilmoqda.

SHuningdek, yana ikki kundan so'ng tarkibga hujumchi Davron Mirzaev ham qo'shiladi. Rossiyaning “Rubin”, “Ximki” va “Nefteximik” klublarida to'p surgan bu hujumchini murabbiylar PFL Kubogi turnirida sinab ko'rishadi. Bundan tashqari afrikalik futbolchilar ham ko'rikdan o'tkaziladi. Avvalgi yig'inlarda ishtirok etgan futbolchilardan Omad Toyloqov ko'rikdan o'ta olmadi va unga javob berildi.

 PFL Kubogi boshlanguniga qadar jamoamiz ertaga “Bunyodkor” o'rinbosarlariga qarshi nazorat uchrashuvida maydonga tushadi.