Davron Hoshimov: "Naft"ga qarshi o'yin qiyin kechishini bilardik"

"Bugungi o'yin qiyin bo'lishini bilardik. Raqibni jiddiy tarzda o'rganib chiqqan edik. "Naft" futbolchilari standartlardan juda xavfli ekanligini bugun ham amalda isbotladi", - deydi Davron Hoshimov.

- Bugungi ob-havo o'yinga qanchalik tasir ko'rsatdi?
- Ob-havo u qadar qiyinchilik tug'dirmadi. Ammo raqib bizga jiddiy qarshilik ko'rsatdi va o'yin og'ir kechdi.

- Ikkinchi bo'lim boshida bir kishi kam bo'lib qoldinglar. SHunda havotir bo'lmadimi?
- Albatta barchada havotir bo'ladi. Ammo sardorimiz Kaxi Maxaradze barchamizni o'zimizga kelib olishimizni taminladi. Barchamiz bir-birimizni qo'llab-quvvatladik.

- Raqib haqida qanday fikrdasiz?
- "Naft" kuchli jamoa ekanini bilardik. Ularning o'yinlarini deyarli har kuni ko'rib chiqqandik. Raqibimizning pley-offdagi "Al Jayish"ga qarshi uchrashuvini tomosha qilib kuchli va kuchsiz tomonlarini o'rganib chiqqandik.

- Bugun o'z o'yingizni nechchiga baholaysiz?
- O'zimning o'yinimni 4 bahoga loyiq deb bilaman.


Xayrulla Xoliqov suhbatlashdi