Davron Fayziev: "Mag'lubiyatda barcha aybni o'z bo'ynimga olaman"

"Mag'lubiyatni tan olish mardlarni ishi, bugungi mag'lubiyatda barcha aybni o'z bo'ynimga olaman. G'alaba qozonsa jamoa yutadi, yutqazsa - murabbiy. Yigitlarga ko'rsatma berayotganimdan sensaciyani qo'lga kiritishni istayotganimni aytgandim. O'ylagan natijamizga erisha olmadik", - deb gap boshladi Fayziev. 

"O'z xatolarimiz tufayli mag'lub bo'ldik. Ikkita xato qildik va ikkita gol o'tkazib yubordik. Bizda esa 5-6ta vaziyat bo'ldi, xuddi raqib darvozasi sehrlangandek tuyuldi. Omad kuchlilarga kulib boqadi. Barchasi o'z qo'limizda, hali hech nima yo'qotilmadi. Bugungi yo'qotilgan ochkolarni Buxoroda olishga urinib ko'ramiz".

"Raqib safida Ignatiy Nesterovni alohida takidlagan bo'lardim. U gol bo'ladigan vaziyatlarda o'z jamoasini qutqarib qoldi".

"Hakamlarni boshqaradigan va tekshirib boradigan tashkilot bor. Komissarlar bor. SHu bois ularni ishini muhokama qila olmayman. Hakamlarning ishi haqida gapirishga murabbiyning haqqi yo'q, klubning haqqi bor".

"Maydon yomonligi haqida bahonalar ketmaydi, ikkala jamoa bitta maydonda o'ynaydi. SHu bois "asfalt" bo'lsa ham o'ynashimiz va g'alaba qozonishimiz kerak".

"Keyingi turda Buxoroga safar qilamiz. Edgar Gess ishdan bo'shatilgani haqida matbuotdan o'qib bildim. Bizda orqaga yo'l yo'q. Buxoroga faqat g'alaba uchun boramiz", - deydi Davron Fayziev.