Davron Fayziev: "Ilk bor "Bunyodkor"ni mag'lub etganimizdan juda xursandman"

"Butun jamoamizni, muxlislarni, rahbariyatni, bizga ishongan barchani tabriklayman. Ishonchni oqladik deb o'ylayman. O'yin qiziqarli bo'ldi. Xuddi "Mashal"ga qarshi tayyorlangandek tayyorlandik. Tayyorgarligimiz o'z mevasini berdi", - deydi Fayziev.

"Endi keyingi o'yinlarga tayyorlanish kerak. Bugungi kun tarixga kirdi. Sababi ertalab uchrashuv prevyusini ko'rgandim. "So'g'diyona" yirik hisoblarda yutqazgani, atiga bitta gol urilgani... Yigitlarga bugun g'alaba qozonsak tarixga kirishimizni takidladim. 8 yil davomida birinchi bor "Bunyodkor"dan ochko tortib oldi. SHu meni juda ham xursand qildi. Musobaqa jadvalida ham biroz bo'lsa ham ahvolimizni yaxshilab oldik".

"Uchta hujumchi bilan o'ynadik. Himoyalanganimizda Anvar Rajabov orqaroqqa qaytishi kerak edi. U bor kuchi bilan o'ynadi. Markazda uzilishlar bo'lgani rost. Lekin yigitlarimga etirozim yo'q. Kamchiliklarni o'rganib chiqamiz".

"Oleksandr Kablash bilan hozirgacha gaplashib turamiz. Agar imkoniyat bo'lsa uni jamoaga chaqiramiz. Hujum chizig'ida raqobat kuchayishini istaymiz".

Jasur Hakimov: "Muxlislarning qo'llab quvvatlashdi, murabbiylar ishonchi. Bugun jamoaviy g'alabaga erishdik. SHunchaki men gol urdim, bu gollarda barchaning xissasi bor". 

Jasur Hakimov: "Davron Fayziev yoshlarga ishonadigan murabbiy. Mag'lub bo'lsak va futbolchi xato qilsa uni zaxiraga o'tkazib qo'ymaydi. SHu hislatlarini qadrlayman".