Davron Fayziev: Bugun anti-futbol guvohi bo'ldim

- Bugungi o'yinni o'zim ham tushunmadim.Jamoa negadir umuman o'ziga o'shxamadi. Bugungi o'yin haqidagi xulosam qanday: Futbolchi murabbiyni hohlamasa shunday o'yin ko'rsatishi mumkin, yoki futbol o'ynashni xohlamasa, jamoadan ketishni hohlasa shunaqa o'yin ko'rsatishi mumkin. Rostini aytaman: 3 turdan kamida 4 ochko jamg'arish rejam bor edi. Lekin men bugun maydonda “So'g'diyona” jamoasini ko'rganim yo'q! Tanaffusda shogirdlarimga o'zlariga ishonib harakat qilishlarini takidladim. Biroq o'yin tizigini o'nglash qiyin bo'ldi. Yashiradigan hech qanaqa gap aytmadim: ohirigacha kurashinglar! Mabodo yutkazgudek bo'lsak, mardlarcha yutkazaylik deb o'qtirdim. Lekin bugun futbolmas anti-futbol guvohi bo'ldim desam hato bo'lmaydi.

- Muxlislar haqida…
- Ha, men har doim muxlislarimizga minnatdorchiligimizni bildirib kelaman. Muxlisman deb og'ziga kelgan har xil gaplarni, nafsoniyatga, shaxsiyatga tegadigan gaplarni gapirishlar uchrab turibdi. Menimcha bundaylarni haqiqiy muhlis deb bo'lmaydi.Tartib-intizomning ham chegarasi bor. Lekin haqiqiy muxlislarimizdan chin yurakdan minnatdorman va rahmat aytaman ularga.