David Trezege: "Manchesterdagi finalda omad bizdan yuz o'girgan"

Faoliyatimdagi eng alamli o'yin Manchesterda o'tgan CHempionlar ligasi final uchrashuvi bo'ladi. O'sha mavsumda biz juda kuchli edik. Skudettoni qo'lga kiritgandik. "Milan" bilan bo'ladigan finalga puxta tayyorgarlik ko'rgandik. O'shanda biz o'z kuchimizni yaxshi bilardik. Ammo finalda omad bizdan yuz o'girgan. Penaltilar seriyasida "Milan" bizni mag'lub etgandi. Bu o'yinni hech qachon esimdan chiqara olmayman.
Eng shirin xotiralarni eslasam, bu 2002 yildagi mavsum. Aynan shu mavsumda men ilk skudettoni qo'lga kiritgandim. "Inter"ning so'nggi turdagi qoqilishi va biz "Udineze"ni yutganimiz yakunda chempionlik taqdirini hal etgandi.