David Silva: "Menda bir nechta taklif bo'lgandi, ammo men "Sosedad"ni tanladim"

Ispaniyalik xavbek o'zining yangi klubi haqida fikrlarini bildirdi.

"Bir nechta klublardan taklif oldim, ammo men "Real Sosedad"ni tanladim, sababi bu o'sayotgan klub va uslubi menga ideal darajada mos keladi. Bundan tashqari men San-Sebastyanni bilaman, sababi "Eybar"da o'ynaganman. Taassurotlar juda yaxshi.

SHartnoma imzolaganimdan so'ng men ko'plab insonlardan ijobiy reakciya oldim. Men chiroyli va juda osoyishta shaharga kelmoqdaman. Bu qaror oilam bilan birga qabul qilindi", - deydi ispaniyalik klub matbuot xizmatiga.

Oldinroq, "Lacio" kelishuvga erishilganiga qaramay o'yinchining ispan klubiga o'tib ketganidan xafa ekanligini ommaga oshkor etgandi.