David de Xea: "O'yindan zavq oldim"

"Biz uchun muhim g'alaba. Yaxshiroq o'ynashimiz mumkin edi. Ammo so'nggi 15 daqiqalikda juda ko'p to'p yo'qotdik.

O'zimni yaxshi his qildim, o'yindan zavq oldim. Jamoaning g'alabasi uchun seyvlar qilishim kerakligini bilardim va buni uddaladim ham. Jamoa kichik hisobda g'alabaga erishganidan keyin barcha seyvlar muhim bo'lib qoladi.

O'zimni kuchli his qilyapman. Asosiysi - tajribam bilan jamoaga yordam berish.

Rangnik qo'l ostida yaxshiroq himoyalanyapmiz. Bugun o'z darvozamiz oldida ko'plab vaziyatlarga qo'yib berdik. Murabbiy shunday holatlarga tayyor turishimizni va yuqoridan kelayotgan, ortga tashlanayotgan to'plarni qaytarishimizni istamoqda", - dedi kiper.