So’nggi yangiliklar

12:53"Комо" "Манчестер Сити" футболчиси ҳуқуқларига эга чиқиши мумкин  0 12:25"Интер" "Челси" ҳужумчисини сотиб олмоқчи  0 11:57Алонсо Родригонинг захирада қолиб кетаётгани ҳақида: "Гап келажак ҳақида эмас, тактикада"  6 11:28Трамп КЖЧ финалига келади  2 10:55"Интер Майами" ғалаба қозонди, Лионел Месси эса кетма-кет тўртинчи ўйинда дубль қайд этди  11 10:51"Бавария" Бундеслигадаги рақобатчининг асосий футболчисини сотиб олмоқчи  0 10:22Виктор Гёкерешнинг "Арсенал"даги маоши маълум  3 09:53Симоне Индзаги "Ал Ҳилол"да тўрт нафар футболчидан қутилмоқчи  7 09:24"Навбаҳор" ҳужумчиси иккинчи даврани "Хоразм"да бошлаши мумкин  4 08:56Энрике: "Телефоним "Барселона" мухлисларидан келган хабарларга тўла"  14 08:27"Рома" Шомуродовнинг ўрнига АПЛда ўтган мавсум 1 та гол урган футболчи олиб келмоқчи  11 07:58"Реал" 25 йиллик антирекордни такрорлади  19 07:30Алонсо йирик мағлубиятдан сўнг нималар деди?  32 07:15Клублар ўртасидаги ЖЧ. ПСЖ - "Реал Мадрид" 4:0  21 02:02Клублар ўртасидаги ЖЧ. ПСЖ ярим финалда "Реал"ни янчиб ташлади ва финалга йўл олди  250

Coca Cola Tour: Germaniya futbol Ittifoqi muzeyida Franc Bekkenbauerga sovg'a qilingan o'zbek choponi Yangiliklar

Coca Cola Tour: Germaniya futbol Ittifoqi muzeyida Franc Bekkenbauerga sovg'a qilingan o'zbek choponi

Germaniya milliy terma jamoasi yutgan 4 ta JCH kubogi, 3 ta Evropa chempionati Kubogi qatorida muzeyda o'zbek choponi turibdi.

Germaniya futbol ittifoqining muzeyiga kirish 3 kishi uchun 57 evro bo'ldi. Yaxshi narx. Muzeyga kirishimiz bilan ko'zga tushadigan birinchi eksponat 1954 yil JCHda g'alaba qozongan MTJning to'pi. Bu to'p finalda o'ynalganmi yoki boshqa o'yinlarda bilmadim, ammo bu o'sha yilgi JCHdan. Nemislar o'zlarining birinchi kuboklarini SHveycariyada bo'lib o'tgan JCHda qo'lga kiritganlar. Bu mundial ularning yangi tarixlarini boshlab bergan. Urishdan keyingi dastlabki g'alaba uchun maxsus joy ajratilgan. Qolgan 3 ta kubok bir erda. 




Germaniya futbol Ittifoqi muzeyiga 15 daqiqa ichida sayohat qilamiz.



Vengriya terma jamoasini 3:2 hisobida mag'lubiyatga uchratgan Germaniya MTJning musobaqadagi tarkibi mana shunday suratli ko'rinishda ko'rsatilgan. Siz bu erda futbolchilar haqida to'liq malumot olasiz. Videoda finalda Urugvay deb xato qilganligim uchun uzr so'rayman.


Safar bosh homiysi: Alfraganus University
Homiylar: Coca Cola, Trastbank, AKFA, Ucell



SHlyapa kiyib, mana shunday kamuflyajlarda futbol ko'rishga nechi?



Ayollar Bundesligasi hakamlari bugungidek shortikda emas, yubkalarda hakamlik qilgan ekanlar. Qanot hakamlarining 50 yil avvalgi bayroqlari. 



Italiyaning Rim shahrida bo'lib o'tgan JCH finalida Maradona "o'z maydonida" Germaniyaga imkoniyatni boy beradi. Qizig'i shundaki, Argentinaning ikki afsonasi Maradona va Messi JCH finallarida Germaniyani mag'lubiyatga uchrata olmaganlar. Bu o'yinda birgina penalti o'yin taqdirini hal qilgan. Videoda ko'rishingiz mumkin, penalti tepilgan nuqtaning maysasi va tuprog'i muzeyga qo'yilgan. 



Mana o'sha chopon. O'zbekning zar to'ni Franc Bekkenbauerga sovg'a qilingan ekan va u muzeyning markazida turadi. Unga kirgan har bir tomoshabin O'FF timsoli tushirilgan bu libosni oldidan beetibor o'tmaydi.



Germaniyaning 1974 yilda qo'lga kiritgan kubogi. Ikkinchi mundialni ular o'z maydonlarida Niderlandiya ustidan 2:1 hisobida g'alaba qozonib qo'lga kiritganlar. Yodingizda bo'lsa golni birinchi uchar gollandlar urgan, keyingi ikkitasini mezbonlar.




Muzeyni yaxshisi jonli ko'ring. Ayniqsa 100 yillik tarixni o'z ichiga olgan 3D shousi juda zo'r chiqqan. O'tmish bilan bugungi kun birlashtirilgan.

Reyting: +6   

Fikrlar

championat.asia
< so’nggi yangiliklarni ko’rish
Яндекс.Метрика