Coca Cola Superligasi. 26-tur laureatlari

Saytimiz o'z annasiga sodiq qolgan holda tur laureatlarini aniqladi. 

"Lokomotiv" darvozaboni Javohir Ilyosov yakunlangan turda "Nasaf" bilan bahsda ajoyib o'ynadi. Qarshilarning ko'plab hujumlari va zarbalaridan keyin Ilyosov jamoasini gollardan qutqarib qoldi va haqli ravishda championat.asia talqiniga ko'ra 26-turning eng yaxshi darvozaboni deb topildi.

"Qo'qon-1912" yarim himoyachisi Quvondiq Ro'ziev "Navbahor" bilan bahsda chiroyli gol urishga muvaffaq bo'ldi. Jarima maydoni tashqarisidan chamasi 20 metrlardan gol urdi. SHu tariqa Quvondiq Ro'zievning goli Championat.asia talqiniga ko'ra turning eng chiroyli goli deb topildi.

Bu turda AGMK o'z maydonida ligada qolish uchun kurashgan "Buxoro"ni qabul qilib 3:1 hisobida g'alaba qozonishdi. Bahs davomida Husniddin G'ofurov juda ham faol bo'ldi va gol urishga erishdi. SHu bois Championat.asia talqiniga ko'ra Husniddin G'ofurov 26-turning eng yaxshi futbolchisi deb topildi.

CHempionatning so'nggi turida "Mashal" o'z maydonida "Metallurg"ni qabul qildi va 1:0 hisobida zafar quchgan. Bahs davomida muborakliklar yana gol urishlari mumkin edi, biroq penaltidan unumli foydalanilmadi. Dilyaver Vaniev Championat.asia talqiniga ko'ra 26-turning eng yaxshi murabbiyi deb topildi.