Coca Cola Superligasi. 17-tur laureatlari

Saytimiz o'z annasiga sodiq qolgan holda tur laureatlarini aniqladi. 

"Nasaf" darvozaboni Abduvohid Nematov yakunlangan turda "Navbahor" bilan safardagi bahsda ajoyib o'ynadi. "Lochinlar"ning ko'plab hujumlari va zarbalaridan keyin Nematov jamoasini gollardan qutqarib qoldi va haqli ravishda championat.asia talqiniga ko'ra 17-turning eng yaxshi darvozaboni deb topildi.

"Andijon" yarim himoyachisi Abdullo Olimov "Buxoro" bilan bahsda ajoyib gol urishga muvaffaq bo'ldi. Belgilangan jarima to'pini Olimov chiroyli tarzda raqib darvozasiga yo'lladi. SHu tariqa Abdullo Olimovning goli Championat.asia talqiniga ko'ra turning eng chiroyli goli deb topildi.

Turning qiziqarli o'yinlaridan biri Bekobodda bo'lib o'tdi. Unda "Metallurg" "Lokomotiv"ni qabul qildi. Keskin kurashlarga boy o'tgan bahsda 2:2 hisobi qayd etildi. SHu kuni o'z tug'ilgan kunini nishonlagan "temiryo'lchilar" safida Temurxo'ja Abduxoliqov juda ham faol o'ynadi. Dastlab Maxaradzening golida ishtirok etgan hujumchi, ikkinchi taymda burchakdan uzatilgan to'pni darvozaga yo'lladi. SHu bois Championat.asia talqiniga ko'ra Temurxo'ja Abduxoliqov 17-turning eng yaxshi futbolchisi deb topildi.

Bu tur Andijonda autsayderlar o'rtasidagi to'qnash bo'ldi. Aytish mumkin bo'lsa olti ochkolik bahsda Baxtiyor Hamidullaev boshchiligidagi "burgutlar" 2:1 hisobida g'alaba qozonishdi. Etiborlisi "Andijon" bu mavsumda o'zining dastlabki g'alabasini aynan 17-turga kelib qo'lga kiritdi. Hujumchi sifatida Andijon futboli afsonasiga aylangan Hamidullaev endi murabbiy sifatida shunga harakat qilishni boshladi. Championat.asia talqiniga ko'ra Baxtiyor Hamidullaev 17-turning eng yaxshi murabbiyi deb topildi.