Coca Cola Superliga. Bugun "Navbahor" - "Qo'qon-1912" va yana ikki o'yin bor

Coca Cola Superliga, 13-tur
NAVBAHOR – QO'QON-1912
28 avgust 2020 yil. Toshkent. "Jar" stadioni. 18:30
Hakamlar: Viktor Serazitdinov, Alisher Usmonov, Sanjar SHoyusupov, Ahmad Ergashev
Nazoratchi: Konstantin Smirnov
Komissar: Muhammad Sodiq Sodiq-Oxunov

So'nggi uchta turda g'alaba qozona olmayotgan "Navbahor" birinchi davraning so'nggi turida oxirgi ikki o'yinda ikki bor g'alabaga erishgan "Qo'qon-1912" bilan kuch sinashadi.

Vodiyning bu ikki klubi o'rtasida hozirga qadar 28 marta o'zaro o'yin o'tkazishgan. 16 bor "Navbahor" zafar quchgan, 6 marta "Qo'qon-1912" g'olib bo'lgan. Qolgan 6ta bahsda durang qayd etilgan.

"Lochinlar" oxirgi 3ta o'zaro o'yinda bu raqibga yutqazmagan - 1 g'alaba va 2 durang. "Navbahor" o'z maydonida o'tgan 14ta o'yinning hech birida "Qo'qon-1912"ga yutqazmagan.

BUNYODKOR – QIZILQUM
28 avgust 2020 yil. Olmaliq. OKMK stadioni. 18:30
Hakamlar: Firdavs Norsafarov, Zufar Eliboev, Farhod Usmonov, Ravshan Abduvohidov
Nazoratchi: Aleksandr Popov
Komissar: Erkin Baxtiyorov

7ta o'yindan buyon mag'lub bo'lmayotgan "Bunyodkor" so'nggi uchta turda yutqazmagan "Qizilqum" bilan to'qnash keladi.

Ushbu jamoalar hozirga qadar O'zbekiston chempionatida o'zaro 26 bor o'yin o'tkazishgan. 19ta uchrashuvda "Bunyodkor" g'olib bo'lgan, 3 marta "Qizilqum" zafar quchgan. 4ta o'yinda durang kuzatilgan. O'tgan mavsum qaysi jamoa o'z uyida o'ynagan bo'lsa o'sha g'olib bo'lgan.

"Bunyodkor" mezbonligi ostida o'tgan 13ta uchrashuvda "Qizilqum" faqat bir bor g'alabaga erishgan (2017 yil).

SO'G'DIYONA – SURXON
28 avgust 2020 yil. Toshkent. "Paxtakor" stadioni. 19:00
Hakamlar: Temur To'xtasinov, Anvar Marajabov, Ziyodulla Abdurahmonov, To'rabek Suyunov
Nazoratchi: Sardor Najafaliev
Komissar: Zohid Akramov

Superligada so'nggi 4ta uchrashuvda g'alaba qozona olmagan "So'g'diyona" oxirgi 3ta o'yinda yuta olmagan "Surxon"ga qarshi maydonga tushadi.

"So'g'diyona" va "Surxon" O'zbekiston chempionatida bugunga qadar 24 marta to'qnash kelishgan. 11ta uchrashuvda Termiz klubi, 10ta o'yinda Jizzax klubi 3 ochkoga ega chiqqan. Yana 3ta uchrashuvda g'olib aniqlanmagan.

"So'g'diyona" so'nggi bor 2004 yilgi mavsumda "Surxon"ni mag'lub etgan. O'tgan yilgi ikkala o'yinda ham "Surxon" gol o'tkazmay g'olib bo'lgan.