Coca Cola Superliga. "Mashal" Andijonda mehmon, "Buxoro" "Qizilqum"ga qarshi, "Lokomotiv" - AGMK to'qnashuvi

Coca Cola Superliga. 23-tur
ANDIJON – MASH'AL
19 noyabr 2020 yil. Andijon. "Sog'lom Avlod" stadioni. 14:30
Hakamlar: Ahrol Risqullaev, Rishat Nugmanov, Doniyor Saylavov, Sanjar Nazarov
Nazoratchi: Dmitriy Roman
Komissar: SHerzod Rajabov

Bu jamoalar hozirga qadar 31 marta o'zaro o'yin o'tkazishgan. 18 marta "Mashal", 9 marta "Andijon" g'olib bo'lgan. 4ta uchrashuvda durang qayd etilgan. O'zaro o'yinlarda Muborak klubi 48ta gol urgan va 34ta gol o'tkazgan.

Andijonda o'tgan oxirgi 5ta o'yinda "Mashal" bir marta g'alaba qozongan (2014 yil), qolgan to'rtta bahsda "Andijon" o'z uyida gol o'tkazmay g'olib bo'lgan.

Birinchi davrada bu jamoalar o'rtasidagi bahs "Paxtakor" stadionida o'tgan va 0:0 hisobi qayd etilgandi.

BUXORO – QIZILQUM
19 noyabr 2020 yil. Muborak. Bahrom Vafoev nomidagi stadion. 15:30
Hakamlar: SHavkat Nasibullaev, Artyom Kalinin, Daler Tilloev, Husan Muzaffarov
Nazoratchi: Sulton Zaylobiddinov
Komissar: Bekzod Aripov

Ushbu klublar O'zbekiston chempionatida hozirgacha 39ta o'yin o'tkazishgan. "Qizilqum" 17 bor, "Buxoro" 16 bor zafar quchgan. Qolgan 6ta bahsda durang qayd etilgan. O'zaro o'yinlarda Navoiy klubi 53ta gol urgan va 45ta gol o'tkazgan.

"Buxoro" bu jamoaga qarshi o'z maydonidagi oxirgi 4ta o'yinda umuman yutqazmagan - 3ta g'alaba, 1ta durang.

Birinchi davrada o'zaro o'yin Toshkentdagi "Jar" stadionida o'tkazilgan va "Qizilqum" 1:0 hisobida zafar quchgan.

LOKOMOTIV – AGMK
19 noyabr 2020 yil. Toshkent. "Lokomotiv" stadioni. 16:30
Hakamlar: Firdavs Norsafarov, Husniddin SHodmonov, SHavkat Rahmatov, Doston Mirzaraimov
Nazoratchi: Mamur Saidqosimov
Komissar: Sardor Qudratullaev

Bu jamoalar hozirgacha milliy chempionatimizda 23 bor to'qnash kelishgan. 14 marta "temiryo'lchilar", 5 marta olmaliqliklar g'alaba qozonishgan. Yana 4ta bahsda durang qayd etilgan. O'zaro o'yinlarda "Lokomotiv" 48ta gol urgan va 28ta gol o'tkazgan.

"Lokomotiv" o'z maydonida bu jamoaga hech qachon mag'lub bo'lmagan - 10ta g'alaba va 1ta durang. AGMK bu klub bilan safardagi yagona durangga bundan 10 yil oldin erishgan. Yani "Lokomotiv" 10 yildan buyon o'z uyida AGMKni faqat mag'lub etib kelmoqda.

Birinchi davradagi o'zaro o'yin Toshkentdagi "Bunyodkor" stadionida o'tgan va unda AGMK g'alaba qozongan edi - 3:1.