Coca Cola Суперлига. 15-тур
5 сентябрь, шанба
БУХОРО – ПАХТАКОР
Ҳакамлар: Равшан Абдувоҳидов, Зуфар Элибоев, Фарҳод Усмонов, Ғайрат Жўраев
Назоратчи: Игорь Нехочин
Комиссар: Сардор Қудратуллаев.
Чемпионатлар тарихида ушбу жамоалар 57 бор ўзаро беллашган. 41 баҳсда "Пахтакор", 7 беллашувда "Бухоро" ғалаба қозонган. 9 тўқнашув дуранг билан якунланган. "Пахтакор" 130та гол урган, "Бухоро" 38та тўп киритган. 15 учрашувда "Шерлар" рақибни йирик натижа билан таслим қилган.
"Бухоро" мезбон бўлган ўйинларда "Пахтакор" 15 марта ғалаба қозонган, 7 дуранг қайд этилган ва 6 марта мезбонлар ғолиб бўлишган.
Ўзаро ўйинлар тўпурари Сервер Жепаров саналади. У бухороликлар дарвозасига 10 гол урган. Драган Черан ҳисобида 9 гол мавжуд. Игорь Шквирин 8, Игорь Сергеев 7 тўп муаллифи бўлган. "Бухоро"дан Илҳом Қурбонов ҳисобида 3 гол бор. Геннадий Шарипов ва Баҳодир Пардаев ҳар икки жамоа сафида тўп киритишга эришган.
"Бухоро" ва "Пахтакор" жамоалари ўртасидаги ўйин 5 август, шанба куни соат 18:00да "Локомотив" стадионида бошланади.
