Coca Cola Superliga. Bugun Termiz va Navoiyda o'yinlar bor

SURXON – METALLURG
11 mart 2021 yil. Termiz. "Surxon" stadioni. 16:15 (Sport tv LIVE)
Hakamlar: Elyor Tursunov, Sardor Nishonboev, Avaz Abdullaev, Abdurashid Xudoyberganov
Nazoratchi: Konstantin Smirnov
Komissar: Oybek Yunusov

Bu jamoalar bugunga qadar 18 bor o'zaro o'yin o'tkazishgan. 9 marta Bekobod klubi, 2 marta Termiz klubining qo'li baland kelgan. Qolgan 7ta uchrashuvda g'olib aniqlanmagan.

O'zaro oxirgi 5ta o'yinda "Metallurg" bu jamoaga yutqazmagan - 4 g'alaba, 1 durang. "Surxon" so'nggi bor 16 yil avval, 2004 yilda "Metallurg" ustidan g'alabaga erishgan. "Surxon" mezbonligi ostida 9 marta o'yin o'tkazilgan. SHundan 6tasida 1:1 hisobi qayd etilgan. Ikki uchrashuvda mezbonlar g'olib bo'lishgan. Bekobod klubi "Surxon" mezbon bo'lganida faqat bir marta (2020 yil, neytral maydonda) g'alabaga erishgan.

QIZILQUM – ANDIJON
11 mart 2021 yil. Navoiy. "Yoshlar" stadioni. 18:30 (Sport tv LIVE)
Hakamlar: Firdavs Norsafarov, Farhod Usmonov, Zufar Eliboev, Naim Qosimov
Nazoratchi: Baxtiyor Tog'aev
Komissar: Bekzod Aripov.

Bu jamoalar hozirga qadar chempionat doirasida 34 marta o'zaro o'yin o'tkazishgan. To'qnashuvlarning 16tasida navoiyliklar g'olib bo'lishgan, 13ta uchrashuvda "burgutlar"ning qo'li baland kelgan, yana 5ta o'yinda durang kuzatilgan.

"Andijon" "Qizilqum" maydonida faqat bir bor g'alabaga erishgan (2012 yil) va safarda ketma-ket 5ta o'yindan buyon bu jamoani mag'lub eta olmayapti.

2020 yilgi mavsumda bu jamoalar o'zaro ikki bor durang o'ynashgan. Navoiyda 1:1 hisobi qayd etilgan bo'lsa, Andijonda hisob ochilmagandi - 0:0.