CHemirtan endi "Navbahor"ga keldi, Leposavich nihoyat ketdi

Bugun futbolchilarimiz navbatdagi mashg'ulotni yakunlashdi. Avval xabar berib o'tkanimizdek, tarkibda bir qator futbolchilar ko'rikdan o'tishmoqda. Yig'in avvalida SHixov, Meliboev, Georgiev safga qo'shilishgan bo'lsa keyinroq Azamat Bobojonov ham murabbiylar ixtiyoriga etib kelgandi. Bugun tarkibga moldovalik yana bir futbolchi Vadim CHemirtan ham qo'shildi. Ushbu futbolchi biroz oldin “Buxoro” jamoasiga jalb qilingandi. Endilikda CHemirtan “Navbahor”da ko'rikdan o'tmoqda. Bo'ydor futbolchini hujum chizig'ida harakat qilishini qo'shimcha qilish joiz. Moldovalik 27 yoshli hujumchining so'nggi klubi “Veris” bo'ladi. SHuningdek, u faoliyati davomida "Akademiya", "Kostulen", "Tigin", "Iskra-Stal", FK "Tiraspol", "Dinamo" (Bendera) va "Nistru" klublari safida ham to'p surgan.

Serbiyadan taklif etilgan futbolchi Aleksandar Leposavich oldin malum qilganimizdek, Navbahor”ni tark etdi. Malumotlarga ko'ra Leposavich “Qo'qon-1912” safiga qo'shilibdi. Bolgariyalik posbon Emil Mixaylov esa shu kunlarda yurtimizga etib keladi.