"CHelsi" Ronaldu yoki Neymardan birini tarkibga qo'shib olmoqchi
11 iyu 2022 19:27
Yangiliklar

"CHelsi" Ronaldu yoki Neymardan birini tarkibga qo'shib olmoqchi

PSJ hujumchisi Neymar va "Manchester Yunayted" hujumchisi Krishtianu Ronaldu "CHelsi" klubining transfer nishoniga aylandi.

Bu haqda jurnalist Nizar Kinsella ijtimoiy tarmoqlardagi sahifasida xabar berdi.

Qayd etilishicha, "CHelsi" rahbariyati ushbu futbolchilarning maoshi yuqori bo'lgani uchun transferlarga shubha bilan qaramoqda. Biroq klub hali-hamon ushbu kelishuvlardan biri ustida muzokara olib borishga qaror qilishi mumkin.

Ayni damda Neymarning o'tish ehtimoli yuqoriroq ko'rilmoqda, chunki braziliyalik futbolchi "CHelsi" bosh murabbiyi Tomas Tuxel bilan PSJda birga ishlagan.

Eslatib o'tamiz, Neymar 2011 yilning yozida "CHelsi"ga o'tishi mumkin edi, ammo keyinchalik braziliyalik vinger "Santos"da qolishga qaror qilgandi.

Havola :

Manba : twitter.com/nizaarkinsella

Yangiliklarni Telegramda o'qing!

Reyting: