“CHarm to'p-2020” musobaqasining Toshkent shahar g'olib jamoasi malum bo'ldi

O'zbekiston Respublikasi Prezidentining 2019 yil 4 dekabrdagi “O'zbekistonda futbolni mutlaqo yangi bosqichga olib chiqish chora-tadbirlarlari to'g'risida”gi PF–5887-sonli Farmoni hamda O'zbekiston Respublikasi Jismoniy tarbiya va sport vazirligi, O'zbekiston Futbol associaciyasi hamda O'zbekiston Respublikasi Mahalla va oilani qo'llab-quvvatlash vazirligining qo'shma qarori ijrosini taminlash maqsadida Toshkent shahar Jismoniy tarbiya va sport boshqarmasi tomonidan mahalla yoshlari o'rtasida “CHarm to'p” futbol musobaqasining Toshkent shahar final bosqichi o'tkazildi.

Mazkur musobaqaning final uchrashuvi Mirobod tumanida joylashgan Sport o'yinlari va engil atletika bo'yicha ixtisoslashtirilgan bolalar-o'smirlar sport maktabi maydonida bo'lib o'tdi.

Ananaviy tarzda o'tkazib kelinayotgan “CHarm to'p” futbol musobaqasining Toshkent shahar g'olib jamoasi ham aniqlandi.

Final uchrashuvida poytaxtning Mirobod tumani yoshlari Yunusobod tumanining yosh mahalla futbolchilariga qarshi o'zaro maydonda to'p surdilar.

Asosiy vaqt mobaynida har ikkala jamoaning darvozalari ishg'ol etilmagach, g'olibni aniqlash futbol lotereyasi yani penaltilar seriyasiga qoldi. Penaltilar natijasiga ko'ra Mirobod tumani yoshlari yunusobodlik yoshlar ustidan 5:4 hisobida g'oliblikni qo'lga kiritdi.

SHu tariqa Mirobod tumanining mahalla yoshlari joriy yilning noyabr oyida o'tkaziladigan “CHarm to'p” futbol musobaqasining Respublika bosqichida poytaxt sharafini himoya qilish imkoniyatini qo'lga kiritdi.

Musobaqa so'ngida g'olib va sovrindor bo'lgan jamoalar Toshkent shahar jismoniy tarbiya va sport boshqarmasi tomonidan diplom, medal hamda kubok bilan taqdirlandi.

O'zMU talabasi Achildieva Umida tayyorladi