"ChaCha Mustaqillik kubogi-2018". "Paxtakor" - chempion!

Ushbu musobaqadagi eng katta yosh 2006 yilda tug'ilgan futbolchilar o'rtasidagi kurashda esa "Paxtakor" futbol maktabi tarbiyalanuvchilari g'oliblikni qo'lga kiritishdi.

"Milliy" stadion hududidagi maydonda bo'lib o'tgan final o'yinida "Paxtakor" "Odil Junior"ga qarshi bahs olib bordi. O'yinning asosiy vaqtida hisob ochilmadi. SHundan so'ng musobaqa reglamentiga ko'ra penaltilar seriyasiga navbat etib keldi. Bunda omad yosh "paxtakorchilar" tomonida bo'lib, ular 3:2 hisobida g'alaba qozonishdi.

3-o'rin uchun kechgan bahsda esa BO'SM-16 "Lokomotiv" tarbiyalanuvchilarini 2:1 hisobida mag'lub etdi. Musobaqa yakuniga etgach, g'olib va sovrindorlarni taqdirlash marosimi o'tkazildi. Bunda turnir bosh homiylari "ChaCha" va "Tudor" savdo belgilari tomonidan esdalik sovg'alar bolakaylarga topshirildi. SHuningdek, har bir chiziq bo'yicha eng yaxshilar ham aniqlandi.

"ChaCha Mustaqillik kubogi-2018" musobaqasining eng yaxshilari:

"Eng yaxshi darvozabon" - Botir Sultonov ("Odil Junior")
"Eng yaxshi himoyachi" - Saloh Tursunov ("Paxtakor")
Eng yaxshi yarim himoyachi - SHuhrat Abduxalilov ("Lokomotiv")
Eng yaxshi hujumchi - Mirmaqsud Mirusmonov (BO'SM-16)
"Musobaqaning eng yaxshi futbolchisi" - Danil Panfyorov ("Odil Junior")

SHuningdek, final uchrashuvining "Eng yaxshi futbolchisi" deb "Paxtakor" darvozaboni Diyor To'laganov topildi.