“Cementchi” “Neftchi”ga qarshi o'rtoqlik uchrashuvini o'tkazadi

Bu safargi sparring raqib yanada jiddiy va kuchli jamoa sifatida shakillanayotgan Farg'onaning “Neftchi” jamoasi bo'ladi.

Jamoani yaqinda qabul qilib olgan Vadim Karlenovich Abramov davralar oralig'ida jamoaga bir qator yangi futbolchilarni jalb qilgan. SHuningdek “Cementchi” tarkibida ham sezilarli o'zgarishlarga qo'l urilgan. 

SHu o'rinda aytib o'tish kerakki “Neftchi” bosh murabbiyi Vadim Abramov boshchiligidagi ushbu jamoaga qarshi "Cementchi" ikkinchi bor nazorat uchrashuvini o'tkazmoqda. Dastlabki o'rtoqlik uchrashuvi bir oy avval yani iyun oyida o'tkazilgan bo'lib, ushbu bahsda Abbos Maxsitalievning standartdan kiritgan yagona goli evaziga  jamoamiz oliy liga vakillariga 0:1 hisobida imkoniyatni boy bergan edi. SHuni ham takidlash kerakki, ushbu uchrashuv Abramovning “Neftchi” boshqaruvidagi ilk norasmiy bahsi bo'lgan edi .

Demak, ikkinchi davra oldidan “Neftchi” hamda “Cementchi” jamoalari yana bir bor o'zaro kuch sinashib ko'rmoqchi. "Neftchi"ga qarshi navbatdagi nazorat uchrashuvi 1 avgust kuni Farg'ona shahridagi  markaziy “Istiqlol” o'yingoxida bulib o'tadi.

“Cementchi” jamoasi matbuot kotibi Zuxriddin Abdullajonov.