"Cementchi" ikkinchi bosqichga tayyor

Abdumalik Xakimov jamoasida davralar oralig'ida katta o'zgarishlar yuz berdi. Ikkinchi bosqichga yo'l olgan jamoa o'z tarkibini bir qancha tajribali o'yinchilar orqali kuchaytirish erishdilar. Birinchi davrada "Buxoro" jamoasi sharafini himoya qilgan darvozabon Farruh Turdaliev, 2011 yili Meksika maydonlarida yurtimiz sharafini munosib himoya qilgan yosh o'yinchimiz Davlatbek Yorbekov (“Kosonsoy”), "Neftchi" jamoasi vakillari Nodirxon Kamolov, Jahongir Dadaboev va Abdullajon Mirzaev, "Qo'qon-1912" jamoasidan Davron Mamatov hamda "Oqtepa" sharafini himoya qilgan Ibrohim No'monovlar bilan klub shartnomalar imzoladi.

Birinchi bosqichdan keyin jamoa safini bir qancha o'yinchilar tark etishdi. "Mashal" jamoasidan ijaraga olingan SHerzod Abduraimov yana Muborakka qaytgan bo'lsa, SHerdor Turanov, Rustam Abduhamitov va Xojimurod Nasriddinovlar ikkinchi liga vakili "Futbol-Info" jamoasi safiga borib qo'shilishdi. O'yinchilardan yana Akmaliy Rahimzoda, Nodir Aminjonov, Mamur Qosimov, Islom Xoshimov, Asliddin Soipov va Ulug'bek Ismoiljonov jamoa safini tark etishdi. Bu futbolchilarning keyingi faoliyatlariga omad tilaymiz.