"CA"ning tug'ilgan kunida Kapadze va Ahmedov jamoalari xayriya o'yinda bahs olib boradilar

Yurak parogi hastaligi bilan og'riyotgan Hasanjon Ergashevga davlatimiz tomonidan bepul tibbiy xizmat ko'rsatib kelinyapti. Uning sog'ayib ketishi uchun esa Hindistonda operaciya qilinishi kerak. Egizagi Husanjon Ergashev go'dakligida hayotdan ko'z yumgan.

Turli saytlarda Ronaldo, Zidan, Bekxem va Figu kabi futbol yulduzlarini xayriya shou o'yinlarini o'tkazishlari haqida ko'p bora o'qiymiz. Baxtimizga, bizning futbolchilarimiz ham mana shunday tadbirlarni beetibor qoldirmaydilar.

SHuning uchun, bu safargi tug'ilgan kunimiz Hasanjonga bag'ishlanadi va unda Temur Kapadzening do'stlari, Odil Ahmedovning do'stlariga qarshi bahs olib boradilar. Hayriyadan tushadigan barcha pullar bemorga taqdim etiladi. Agar sog'lig'i ko'tarsa, uchrashuvdagi ilk to'pni aynan Hasanjon va uning 4 yoshli ukasi Imombek maydonga kiritib berishadi.

Uchrashuv 23 dekabr kuni Toshkentdagi "O'zbekiston" sport arenasida, soat 12:00da boshlanadi. Unda saytimiz o'quvchilari ham tomoshabin sifatida ishtirok etishlari mumkin. Tanaffus paytida saytimiz o'quvchilari uchun shou o'yinlari o'tkazilishi rejalashtirilgan.

Hozircha loyihamizni "Lokomotiv" futbol jamoasi va O'zbekiston Futzal Associaciyasi qo'llab-quvvatladilar. O'z navbatida boshqa klublardan ham loyihada ishtirok etishlarini so'rab qolamiz.

P.S: SHu kunlarda Hasanjon uchun maxsus hisob raqami ochiladi. Telefon raqamlari haqida ham shundan keyin batafsil malumot beramiz.