"Buxoro" - "Bunyodkor". Prevyu

Ushbu raqiblar oliy liga musobaqalari tarixida jami 18 marta o'zaro kuch sinashgan. Ustunlik poytaxt klubi tomonida.

O'tkazilgan uchrashuvlarning 15 tasida “Bunyodkor” g'alaba qozongan bo'lib, 3 marta durang natija qayd etilgan. To'plar nisbati bo'yicha tabiiy-ki “qaldirg'ochlar” oldinda – 4:44.

O'zaro uchrashuvlarda “Buxoro” 3 ochkoni, “Bunyodkor” esa 48 ochkoni o'z hisobiga yozib qo'ygan. “Bunyodkor”ning “Buxoro” ustidan qozongan eng yirik g'alabasi 2014 yilda qayd etilgan. Toshkentda kechgan bahsda poytaxtliklar 5:0 hisobida g'olib bo'lishgan.

FAKT: “Buxoro” ushbu raqib darvozasiga barcha gollarini o'z maydonida kiritgan. Bundan tashqari barcha duranglar ham Buxorodagi uchrashuvlarda qayd etilgan.

BU QIZIQ: Ushbu raqiblarning ilk to'qnashuvi 2007 yilga to'g'ri keladi. “Buxoro” “Bunyodkor” bilan o'yinlarda ilk ochkosini 5 mavsum o'tgach qo'lga kiritgan. 2013 yilgi mavsumda Toshkentliklar “Buxoro” bilan o'yinda ochko yo'qotishgan. Buxoroda o'tgan so'nggi to'rt uchrashuvning uchtasida durang qayd etilgan.

Buxoroda bo'lib o'tgan barcha uchrashuvlar:

28.09.2016 “Buxoro”-“Bunyodkor” 0:0
02.08.2015 “Buxoro”-“Bunyodkor” 1:2
28.04.2014 “Buxoro”-“Bunyodkor” 1:1
29.09.2013 “Buxoro”-“Bunyodkor” 0:0
08.05.2012 “Buxoro”-“Bunyodkor” 0:4
30.07.2011 “Buxoro”-“Bunyodkor” 0:4
18.09.2009 “Buxoro”-“Bunyodkor” 1:2
12.05.2008 “Buxoro”-“Bunyodkor” 0:3
10.05.2007 “Buxoro”-“Bunyodkor” 1:2