"Bunyodkor" yig'iniga "Paxtakor" futbolchisi va Qirg'iziston terma jamoasi yarim himoyachisi kelib qo'shildi

Bugungi mashg'ulotlarda ham 40 nafarga yaqin futbolchi ishtirok etdi. Rasul Yo'ldoshev engil shamollash sababli mashg'ulotda qatnashmagan bo'lsa, Suhrob Izzatov jarohati tufayli yakka tartibda shug'ullandi. Murabbiylar shtabi futbolchilarni ikki guruhga ajratdi. Ikki guruhga ajratilgan o'yinchilar avvaliga jismoniy tayyorgarlik bo'yicha murabbiy Irina Dergach boshchiligida shug'ullangan bo'lsa, so'ng «trenajer zali»da yuklamalar olishdi. Keyin beshta tarkib darvozabonlarsiz, to'pga ikki marta tegish qoidasi asosida futzal o'ynab, quvnoq kayfiyatda mashg'ulotlarni yakunlashdi.

O'tgan mavsumni O'sh shahrining «Alay» jamoasida o'tkazgan qirg'izistonlik yarim himoyachi Odiljon Abdurahmonov bugundan yig'inga qo'shildi. Malum muddat ko'rikda bo'ladigan Abdurahmonovning harakatlari murabbiylar shtabiga maqul kelsa shunga qarab qaror qabul qilinadi. Malumot o'rnida aytib o'tish joizki, ushbu futbolchi o'tgan mavsum ham jamoaning qishki yig'inida ishtirok etgan edi. 

Mashg'ulotlarda qatnashgan futbolchilar - Sarvar Karimov, Umidjon Hamroev, Ravshan Yagudin, Akobir Qayumov, Lutfulla To'raev, SHahboz Erkinov, Anvar G'ofurov, Xurshid G'iyosov, Nurillo To'xtasinov, Abdulla Abdullaev, Mirjahon Mirahmadov, Farrux Ikromov, Ibrohim Ibragimov, Suhrob Izzatov, Sunnatilla Abdullajonov, Abdulaziz Abdusalomov, Valeriy Akopov, Muhammadodil Qahramonov, Boburbek Farhodov, Xurshid Ubaydullaev, Muzaffar Olimjonov, Saidmahmudxon G'ulomov, Javohir Ro'ziev, G'ayrat Azizxo'jaev, Odiljon Abdurahmonov (Qirg'iziston), Muhammadali G'iyosov.