“Bunyodkor” muxlislari diqqatiga!

Xabaringiz bor, joriy yilda yurtimiz klublari orasida birinchi bo'lib rasmiy bahslarni “Bunyodkor” jamoasi boshlab beradi. “Qaldirg'ochlar” 17 fevral kuni OCHL-2015 “pley-off” bosqichi doirasida BAAning “Al-Jazira” klubini qabul qiladilar.

Ushbu uchrashuv arafasida “Bunyodkor” muxlislar klubi vakillari va azolikka yangi yozilmoqchi bo'lganlar uchun yig'ilishlar bo'lib o'tadi. Unda “Bunyodkor” muxlislar klubi azoligiga yangi ro'yxat tuziladi.

Qayd etish kerakki, bu yildan boshlab “Bunyodkor” muxlislar klubi azolari tamomila yangi, zamonaviy beyjik bilan taminlanadilar. Muxlislar klubi azoligi uchun so'ralgan xujjatlarni taqdim qilgan ishqibozlarga maxsus shtrix kodga ega bo'lgan zamonaviy beyjiklar tarqatiladi. Ushbu beyjik egalari muxlislar klubi azolari uchun ajratilgan sektorda o'zlarining maxsus o'rindiqlariga ega bo'ladilar.

“Bunyodkor” muxlislar klubi azoligiga yozilish uchun o'zingiz bilan 2 dona 3x4 xajmdagi fotosurat hamda pasportingizni 2 nushada ko'paytirgan holda olib kelishingiz lozim.

Yig'ilishlar 10 va 15 fevral kunlari bo'lib o'tadi. Har ikkala yig'ilish ham “Bunyodkor” stadionining 4-kirish darvozasi oldida soat 15:00da boshlanadi.