Bunyodkor, Lokomotiv va Nasaf OCHL-2014da o'ynaydi

Unga ko'ra, O'zbekistondan uchta jamoa OCHL-2014 yo'llanmasiga ega bo'ldi.

26 noyabr, seshanba kuni OFK Ijroiya qo'mitasi Osiyo CHempionlar ligasining kelasi mavsumlari uchun bir qator qarorlarni elon qildi. Unga ko'ra, keyingi uch yil davomida musobaqa finali uy-safar tizimida tashkil etiladi. Bundan tashqari, musobaqa yarim finaliga qadar OCHL ishtirokchilari o'z mintaqalari (SHarq va G'arb) doirasidagi raqiblarga qarshi to'p surishadi.

Qo'mita, shuningdek, 2014 yilgi mavsum uchun Osiyo CHempionlar ligasi uchun kvotalar sonini ham belgiladi. Unga ko'ra, O'zbekistonga 1+2 (bir jamoa (Bunyodkor) bevosita guruh bosqichidan, yana ikki jamoa (Lokomotiv va Nasaf) esa saralash bosqichlaridan musobaqaga qo'shiladi) ko'rinishida kvota ajratildi. Qayd etish joiz, 2013 yilgi mavsumda O'zbekiston jamoalari (Paxtakor, Bunyodkor va Lokomotiv) OCHLda 2+1 kvotasi bilan ishtirok etgan edi.

2014 yilgi OCHL bahslarida SHarqiy mintaqada Singapur, Gongkong, Vetnam, G'arbiy mintaqada esa Hindiston, Iordaniya, Ummon, Bahrayn, Iroq va Kuvayt klublari ham ishtirok etishadi. OCHLdagi barcha ishtirokchilar uchun ajratilgan kvotalar bilan quyida tanishishingiz mumkin:

SHARQ
Yaponiya – 4;
Janubiy Koreya – 4;
Xitoy – 3+1;
Avstraliya – 2+1;
Tailand – 1+2;
Singapur – 0+1;
Gongkong – 0+1;
Vetnam – 0+1.

G'ARB
Eron – 4;
Saudiya Arabistoni – 4;
BAA – 3+1;
Qatar – 2+2;
O'zbekiston – 1+2;
Hindiston – 0+1 (Hindiston klubi SHarqiy zonada o'ynaydi);
Iordaniya – 0+1;
Ummon – 0+1;
Bahrayn – 0+1;
Iroq – 0+1;
Kuvayt – 0+1.

OCHL-2014ga qura tashlash marosimi 10 dekabr, seshanba kuni bo'lib o'tadi.