"Bunyodkor" ham bugundan yig'inni boshladi. Jamoani ikki nafar futbolchi tark etdi, Anvar G'ofurov futbolchilik faoliyatini yakunladi
05 jan 2021 15:54
Yangiliklar
![](https://championat.asia/upload/storage/612887_original.jpg)
![](/upload/storage/612887_220.jpg)
"Bunyodkor" ham bugundan yig'inni boshladi. Jamoani ikki nafar futbolchi tark etdi, Anvar G'ofurov futbolchilik faoliyatini yakunladi
Noqulay ob-havo tufayli dastlabki kungi mashg'ulotlar klub akademiyasi zalida olib borildi. Quvnoq kayfiyatda o'tgan mashg'ulot yakunida jamoa azolari ikkiga bo'lingan holdan o'zaro o'rtoqlik uchrashuvida bellashishdi.
Bizga malum bo'lishicha jamoani ayni vaqtga qadar turkmanistonlik yarim himoyachi Selim Nurmuradov, tojikistonlik Davronjon Ergashevlar rasman tark etgan. Mahoratli kiper Abdumavlon Abdujalilov faoliyatini "Lokomotiv"da davom ettirishga yaqin. Dilshodbek Ahmadaliev AGMK jamoasiga yo'l oldi. SHuningdek Islom Qobilovning ham masalasiga hali oydinlik kiritilmagan. Avvalroq himoyachiga Janubiy Koreya klublari, o'zimizdan esa "Lokomotiv" qiziqish bildirayotgani haqida xabar bergan edik. Yangi qo'shilganlar haqida deyarli malumot yo'q, faqatgina ijaradan qaytgan va o'rinbosarlar jamoasidan jalb qilingan yosh futbolchilar ko'rikda bo'lib turibdi.
Jamoaning faxriy futbolchilaridan biri Anvar G'ofurov joriy yildan etiboran butsalarini mixga ilishga qaror qildi. Futbolchilik faoliyatini 2000 yil Jizzaxning "So'g'diyona" jamoasida boshlagan futbolchi shu kungacha "Dinamo", "Paxtakor", "Navbahor", "Mashal", "Bunyodkor" va "Obod" jamoalarida to'p tepgan. 2009 yilda "qaldirg'ochlar" azosiga aylangan himoyachi 2016 yilgacha mazkur jamoa sharafini munosib himoya qildi. Orada malum vaqt ijara asosida "Obod"da harakat qildi va 2017 yilning ikkinch davrasida qadrdon jamoasiga qaytdi.
"Bir jamoada uzoq vaqt to'p tepishning siri ? Mening uylashimcha ko'p narsalardan iborat. Bu murabbiylarning sizga nisbatan ishonchi, shifokorlarimizning va massajistlarimizning mehnati, jamoadoshlarimning va albatta oila azolarimning yordami bois shu yoshimda ham maydonda to'p tepib kelyapman. Rostini aytganda bu klubning yaxshi va og'ir kunlarida birga bulganman va ko'p narsalarni ko'rib, o'zim uchun yangi narsalarni kashf qilganman. Vaqtida xorij jamoalaridan ham takliflar qabul qilganman. Ammo, jamoaga yordamim tegsin deb barini rad qilganman. O'ylaymanki bu jamoa hali uzoq yillar mobaynida ajoyib o'yinlar ko'rsatib, muxlislarni hushnud etadi. To'g'ri, hozir tarkib ancha yoshargan, shunday bo'lsada yuqori o'rinlarni zabt etishga tayyor. Xudo xohlasa, murabbiy sifatida ish boshlash niyatim bor. SHu bois futboldan butunlay ketdim deya olmayman",- degan edi Anvar G'ofurov saytimizga bergan intervyusida.
Yaqin orada biz yashil maydonda ko'rishga odatlangan Anvar G'ofurovni murabbiylar o'rindig'ida kuzatarmiz. Qolganini esa vaqt ko'rsatadi.
O’xshash yangiliklar
![AMP Logo](https://championat.asia/image/logo-amp.png)
Fikrlar