So’nggi yangiliklar

12:45Ўзбекистон терма жамоаси октябрь ойида Малайзияда Уругвай билан ўйнайди   2 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  2 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  5 10:15"Ньюкасл" "Реал" футболчисига 100 миллион евро таклиф қилди  1 09:43Испания терма жамоасининг бўлажак ўйинлар учун таркиби маълум  4 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  10 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  17 01:49А Серия. "Милан" мавсумдаги илк ғалабасини қўлга киритди  1

“Bunyodkor” FK Mirjalol Qosimovga samarali hamkorlik uchun minnatdorchilik bildiradi! Yangiliklar

“Bunyodkor” FK Mirjalol Qosimovga samarali hamkorlik uchun minnatdorchilik bildiradi!

“Bunyodkor” futbol klubi tashkil topishi va hozirgi darajaga etishida Mirjalol Qosimovning hissasi beqiyos deyilsa – mubolag'a bo'lmaydi.

“Bunyodkor” futbol klubi tashkil topishi va hozirgi darajaga etishida Mirjalol Qosimovning hissasi beqiyos deyilsa – mubolag'a bo'lmaydi. Jamoa 1-ligaga chiqqanida avval o'z maslahat va tavsiyalari bilan yordam bergan Qosimov, 2007 yilning 6 dekabr kuni oliy ligada bosh murabbiy etib tayinlandi. O'sha kuni Buxoro viloyatining “Vobkent” jamoasini qabul qilgan “qaldirg'ochlar” 6:1 hisobida g'alaba qozongandilar. Keyinchalik Mirjalol Qosimov boshchiligida “Bunyodkor” ko'plab yutuqlarga erishdi.


O'zbek futboli fidoiysi Mirjalol Qosimov nafaqat murabbiylik, balki klubni professional tashkil etish borasida ham o'z bilimlari va maslahatlari bilan amaliy yordam berdi. Yoshlar va farm-klub jamoalari, akademik guruhlar va futbol maktablari tuzilishi va faoliyat yuritishida jonbozlik ko'rsatdi.

O'zbekiston futbol federaciyasi Mirjalol Qosimovga milliy terma jamoa boshqaruvini ishonib topshirganida, “Bunyodkor” FK buni sharaf deb bildi va uning keyingi faoliyatiga omad tiladi. SHu tariqa mutaxassis 2008 yilning 24 sentyabridan 2010 yilning 28 mayiga qadar O'FF terma jamoalar markazida faoliyat yuritdi.

2012 yil 4 iyun kuni Mirjalol Qosimov yana milliy terma jamoaga bosh murabbiy etib tayinlandi. O'sha paytda “Bunyodkor” Osiyo chempionlar ligasining 1/8 bosqichiga yo'l olgan va yurtimiz sharafini bu nufuzli musobaqada ishonchli himoya qilayotgan edi. Buni to'g'ri tushungan O'FF rahbariyati Qosimovga terma jamoa bilan birga klubda ham ishlashiga ruxsat berdi. Bu qaror o'zini oqladi va o'sha mavsumda “qaldirg'ochlar” OCHL yarim finaligacha etib bordilar.

2014 yilning 26 mart kuni Avstraliyaning Sidney shahrida Osiyo Kubogi-2015 musobaqasiga qura tashlash marosimi bo'lib o'tdi. Unda ishtirok etgan terma jamoalar markazi direktori Asqar Tolibjonov va milliy terma jamoa bosh murabbiyi Mirjalol Qosimov marosimdan so'ng ko'plab hamkasblari bilan muzokarada bo'lishdi va hamkorlik doirasida uchrashishga kelishib olishdi.

O'FF terma jamoalar markazi milliy terma jamoamiz Osiyo Kubogi-2015da munosib ishtirok etish uchun tayyorgarlik rejasiga ega va uni amalga oshirish yo'lida barcha sharoitlarni yaratishga qodir. O'z navbatida bosh murabbiy faqat terma jamoada ishlashi va butun etiborini munosib tayyorgarlikka qaratishi maqsadga muvofiq. SHu tariqa Mirjalol Qosimov futbolimiz mutasaddilari qaroriga ko'ra faqat terma jamoalar markazida faoliyat yuritadi va bor etiborini mamlakatimiz bosh jamoasiga qaratadi.

O'z navbatida “Bunyodkor” FK Mirjalol Qosimovning bu qarorini hurmat qiladi. Klub va jamoa yuksalishida qo'shgan hissasi uchun minnatdorchilik bildiradi va uning masuliyatli ishida omadlar tilaydi!

Mirjalol Qosimovning “Bunyodkor” FK bosh murabbiy sifatida qayd etgan natijalari va erishgan yutuqlari:


“Bunyodkor” bosh murabbiyi sifatida O'zbekiston chempioni: 2010, 2011, 2013

“Bunyodkor” bosh murabbiyi sifatida O'zbekiston kubogi sohibi: 2010, 2012, 2013

“Bunyodkor” bosh murabbiyi sifatida O'zbekiston superkubogi sohibi: 2014

“Bunyodkor” bosh murabbiyi sifatida Osiyo CHempionlar ligasi yarim finalchisi: 2008, 2012

Reyting:    

Fikrlar

championat.asia
< so’nggi yangiliklarni ko’rish
Яндекс.Метрика