Bunyodkor FK Mirabror Usmonovni tabriklaydi!

Hurmatli Mirabror Zufarovich!

Toshkentning “Bunyodkor” futbol klubi Sizni tavallud ayyomingiz bilan samimiy tabriklaydi.

Bevosita Sizning boshchiligingizda O'zbekiston futbolini rivojlantirish borasida ko'plab ijobiy ishlar amalga oshirilmoqda. Ularning samarasi sifatida dunyoning turli mamlakatlarida O'zbekiston yoshlar va o'smirlar terma jamoalari qo'lga kiritayotgan yutuqlar tan olinmoqda.

O'zbek futboli infratuzilmasini zamon talablari darajasiga olib chiqish borasida amalga oshirilayotgan ishlarning bevosita guvohi bo'lib turibmiz. Bunga misol sifatida yangi barpo etilgan va nafaqat professional futbolchilar, balki yosh va iqtidorli avlodni tarbiyalash borasida barcha sharoitlarga ega bo'lgan “Bunyodkor” sport majmuasini keltirish mumkin. Zamonaviy kompleks yaratilishida Sizning beqiyos xizmatingiz borligini yaxshi bilamiz.

Braziliyaning San-Paulo shahrida o'tgan Xalqaro Futbol Uyushmasi Kongressida qatnashganingiz, FIFAning “Xizmatlari uchun” ordeni bilan mukofotlanganingiz o'zbekistonlik barcha futbol jamoatchiligi qatori bizni ham mamnun etdi.

Sizga sihat-salomatlik, uzoq umr va olib borayotgan ishlaringizda yangi yorqin muvaffaqiyatlar yor bo'lishini tilaymiz.