“Bunyodkor” – “Al Jaish” o'yiniga bog'liq faktlar

O'yinga bo'lgan etibor katta. Quyida mazkur bellashuv bilan bog'liq bazi faktlarni keltirib o'tamiz.

-   “Bunyodkor” va “Al Jaish” OCHLda bir-biriga qarshi birinchi marta to'qnash kelyapti.

-   “Bunyodkor” OCHLda ketma-ket 7-marta ishtirok etmoqda, “Al Jaish” esa ikkinchi bor.

-   “Bunyodkor” shu paytgacha hali Qatar klublariga qarshi bahs olib bormagan. Bunisi birinchi marta.
 
-   “Bunyodkor” o'z maydonidagi oxirgi besh (!) o'yindan beri g'alaba qozona olmayapti. Jamoa oxirgi bor “Jar”da 2012 yilgi OCHLning chorak finalida “Adelaida” ustidan 3:2 hisobida zafar quchgan.
 
-   Avvalgi o'yinda “Bunyodkor”dan Dilshod Jo'raev, Sardor Sobirxo'jaev va Vohid SHodiev sariq kartochka olishdi.

-   “Al Jaish” OCHLda qatnashishni boshlaganidan beri O'zbekistonga ilk marta kelyapti. Bu jamoa pley-off bosqichida “Nasaf”ni 5:1 hisobida mag'lub etib, musobaqadan chiqarib yubordi.

-   “Al Jaish” bu yil hisobidan birinchi bor safarda to'p suradi. CHunki bungacha bo'lib o'tgan uchta o'yinni ham o'z maydonida o'tkazdi: “Nasaf”, “Al Qodisiya” va “Fulad”ga qarshi.