"Bunyodkor" - "Al Nasr" uchrashuviga taalluqli faktlar

- Bu jamoalarning dastlabki o'yini 1:1 hisobida yakun topgan;

- "Bunyodkor" ketma-ket sakkizinchi mavsum OCHL guruh bosqichida o'ynamoqda, "Al Nasr" esa o'z tarixida ikkinchi marta qatnashyapti;

- "Bunyodkor" OCHLda ishtirok etayotganidan beri birinchi marta guruhdan chiqa olmadi. Jamoa bo'lib o'tgan to'rtta uchrashuvda atigi bir ochko to'pladi;

- "Bunyodkor" 1-turda "Al Nasr"ga gol urganidan beri boshqa o'yinlarda to'p kirita olmayapti. O'yinning vaqti bilan hisoblaganda "Bunyodkor" olti soatdan beri gol ura olmayapti;

- "Bunyodkor" shu paytgacha o'z maydonida olti marta Saudiya klublari bilan bahs olib borgan. Jamoa shundan to'rttasida g'alaba qozongan va ikki bor mag'lubiyatga uchragan;

- Xayrulla Karimov, Akmal SHorahmedov, SHaker Zuagi, Javlon Ibrohimov, Sato Minori va Akrom Komilov hisobida bittadan sariq kartochka bor. Agar bu o'yinchilardan kimdir bugun yana ogohlantirish oladigan bo'lsa, guruhdagi oxirgi o'yinni o'tkazib yuboradi;

- Agar "Al Nasr" bugun mag'lubiyatga uchraydigan bo'lsa, OCHLdan chiqib ketadi (Qachonki "Laxviya" "Persepolis"ni mag'lub etsa)

- "Al Nasr" OCHLning safar bellashuvlarida hali g'alaba qozonmagan, jamoa ikki bor durang o'ynab, to'rt marta imkoniyatni boy bergan;

- "Al Nasr" bungacha Toshkentga bir marta kelgan va 2011 yil "Paxtakor" bilan bo'lgan uchrashuvda 2:2 hisobini qayd etgan.