"Bunyodkor" akademiyasida o'yin yo o'tkazmang, yo OAVga yo'l oching!

Asosiy tarkib o'yinlari, yani "Bunyodkor" jamoasining oliy liga, O'zbekiston Kubogi va OCHL o'yinlariga muammo yo'q.
Ammo akademiya, o'rinbosarlar, PFL kubogi, oliy liga jamoalarining mashg'ulotlarini kirib ko'rishning umuman iloji yo'q. O'rinbosarlar o'yini PFL qonuniga ko'ra muxlislar uchun ham ochiq bo'lishi kerak aslida. PFL doirasidagi birorta o'yin yopiq holatda o'tkazilishi mumkin emas, agarki PFLning o'zi buni taqiqlamasa.

Qo'lingizda hujjatingiz bo'lsa-da, "Bunyodkor"ning o'yini bo'lmagan o'yinlarga ham bir nechta qo'ng'iroqlar orqali amal-taqal qilib o'yinga kirasiz. Sal bo'shroq bo'lsangiz, jetoningizni tashlab uyingizga ketaverasiz. Futbol kim uchun, muxlis uchun! Muxlisga kim etkazadi? OAV! SHunday ekan, nega biz sarson-sargardon bo'lishimiz kerak? Nega bolalar futbolini yoritishga haqqimiz yo'q?

"Bunyodkor" jamoasi bilan anchadan beri hamkorlik qilamiz. Biron marta ularga nisbatan asossiz maqola yozmaganmiz. SHunday ekan, mazkur masalaning ham ko'rib chiqilishini iltimos qilamiz. Futbol avvalo muxlis uchun, muxlisga esa xabarlarni BIZ etkazamiz!

OAV qo'lida PFL tomonidan berilgan hujjat bor ekan, demak u qorovulga o'shani ko'rsatgan holda stadion hududiga kirish huquqiga ega.

P.S: Bu muammo ikki yildan beri davom etayotganligi uchun yozishga majbur bo'ldik.

Suratga izoh: Bu stadionga yil davomida OAV kirib, muxlislarga qaynoq xabarlarni etkazib turishi kerak.