“Bunyodkor” 500-golini urishga yaqin

Ko'pchilikka yaxshi malumki, “qaldirg'ochlar” O'zbekiston chempionati oliy ligasida 2007 yildan buyon ishtirok etib keladi. Jamoaning elitadagi ilk golini Vladimir SHishelov XVI milliy chempionatning 1-turda “Vobkent” darvozasiga mehmondagi uchrashuvda kiritgan edi.

Bu yil oliy ligada o'zining 9-mavsumini o'tkazayotgan “Bunyodkor”ning umumiy gollari 497taga etdi. Navbatdagi uchinchi gol klub tarixida 500-yubiley gol sifatida qabul qilinadi.

“Bunyodkor” hozirgacha oliy liga doirasida 246ta uchrashuv o'tkazib, shularning 181tasida g'alaba qozongan. 39 uchrashuvda durang 26 bahsda mag'lubiyat qayd etilgan. To'plar farqi – 497:133. Umumiy jamg'arilgan ochkolar soni 582ta.