“Bunyodkor-2004” Olma-Otadagi xalqaro turnir g'olibi!

Musobaqa nafaqat Qozog'iston futbolida o'ziga xos iz qoldirgan sobiq futbolchi Temur Segizbaev xotirasiga bag'ishlab o'tkazildi.

Turnirda jami 6ta jamoa ishtirok etdi va davra tizimda bir-birlari bilan o'zaro kuch sinashishdi. Mirkamol Qosimov va Temur Boboxonov murabbiyligidagi “Bunyodkor-2004” jamoasi musobaqa davomida “Temirtau”ni 11:0, “Olma-Ota”ni 3:0 “Aktobe”ni 3:0 va “Toldirqo'rg'on” jamoasini 2:0 hisoblarida mag'lubiyatga uchratdi. “Qayrat” futbol maktabi tarbiyalanuvchilari bilan kechgan bahsda hisob ochilmadi – 0:0.

SHu tariqa, Bunyodkor-2004” eng yaxshi ko'rsatkich qayd etgan holda musobaqa g'olibiga aylandi. “Qayrat” ikkinchi va “Aktobe” tarbiyalanuvchilari uchinchi o'rinni egallashdi.

Musobaqa yakuniga ko'ra, tashkilotchilar tarbiyalanuvchilarimizdan Bayram Najafalievni turnirning eng yaxshi darvozaboni va Azizbek Mahamadjonovni eng yaxshi futbolchisi deb topishdi.

Ushbu muvaffaqiyat bilan “Bunyodkor-2004” futbolchilari va jamoa murabbiylari Mirkamol Qosimov hamda Temur Boboxonovni muborakbod etamiz.