Bugun "Paxtakor" "kambek" qila oladimi?
30 may 2017 16:07
Yangiliklar
![](https://championat.asia/upload/storage/256658_original.jpg)
![](/upload/storage/256658_220.jpg)
Bugun "Paxtakor" "kambek" qila oladimi?
Yaxshi bilasiz, "Paxtakor" birinchi o'yinda 0:3 hisobida yutqazib qo'ygan.
Agar omad kelib jamoa 4:0 hisobida zafar quchsa chorak finalga yo'l olishi turgan gap. Nima deb o'ylaysiz, "Paxtakor" bugun sensaciya ko'rsatgan holda "kambek" qila oladimi yoki bo'lmasa o'tgan yilgiga o'xshab Kubokni 1/8 finaldayoq to'xtatadimi? Saytimiz xodimlari bu borada o'z fikrlarini bildirib o'tishdi.
Xayrulla Xoliqov:
- Bu o'yin "Paxtakor" uchun ikki xil ahamiyatga ega. Birinchisi, jamoa o'zini ortiqcha urintirmay Kubok uchun kurashni to'xtatadi va bor etiborini oliy ligaga qaratadi. Ikkinchisi, "Paxtakor" kelasi yil Osiyo chempionlar ligasida qatnashish uchun ham Kubok uchun oxirigacha kurash olib boradi va bugungi o'yinda jon-jahdi bilan harakat qiladi. Demak, hamma gap 0:3 hisobidagi mag'lubiyatdan so'ng "Paxtakor"ning Kubokka bo'lgan munosabatida. Aytaylik, "Paxtakor" hali taslim bo'lmadi va oxirigacha kurashmoqchi. Bunda nima bo'ladi? Agar shunday bo'lsa, "Paxtakor" ilk daqiqalardan hujumga tashlanadi va birinchi taymni hech bo'lmasa 2:0 hisobida o'z foydasiga hal etishga harakat qiladi.
SHahboz Beg'amov:
- "Paxtakor"ning hozirgi holatidan kelib chiqib aytadigan bo'lsam, bu imkonsiz. CHunki "Paxtakor"ning hozirgi darvozaboni va himoyasi har o'yinda bir qator xatolarga yo'l qo'ymoqda. "Paxtakor" oxirgi marta qachon quruq o'yin o'tkazganini ham eslash birmuncha qiyin. "Paxtakor" "kambek"ni amalga oshirishi uchun Berdiev bugun asosiy tarkibdagi barchaga dam berishi kerak. "Nasaf"ning eng kuchli tarafi bu himoya va darvozabon. Yaxshisi, "Paxtakor" ikkinchi davrada "kambek"ni amalga oshirishga tayyorlansin. Men yap-yangi "Paxtakor"ni "kambek" qilishiga ishonaman.
Narzulla Saydullaev:
- "Paxtakor" safarda 0:3 hisobida yutqazganida balki "kambek"ka ishonish mumkin bo'lardi. Lekin "sherlar" o'z uyida javobsiz uchta gol o'tkazib yuborishdi. Ro'ziqul Berdiev boshchiligidagi "Nasaf" bunday ustunlikni osonlikcha berib qo'ymasa kerak. "Ajdarlar" bitta gol urishsa masala batamom hal bo'ladi. Bundan tashqari, "Paxtakor" bu mavsum oliy ligada hali biron marta yirik g'alabaga erishgani yo'q.
Tolibjon Qosimov:
- Birinchi o'yinda safarda qo'lga kiritilgan yirik g'alaba Ro'ziqul Berdiev shogirdlarining imkoniyatini maksimal darajada yaxshilab qo'ydi. Lekin, "Paxtakor" kubokdan osongina chiqib ketishiga ishonish qiyin. CHunki, Kubok sohibi keyingi yil OCHL guruh bosqichida o'ynaydi. Demak, bugun Jasur Abduraimov shogirdlari o'z kuchlarini 110 %ga ishga solishadi. Bu esa "Nasaf" futbolchilari birinchi daqiqalardanoq sergak bo'lishlarini talab etadi. Agar "Paxtakor" dastlabki 15-20 daqiqada "ajdarlar" darvozasiga gol urishni uddalasa va raqibni katta bosim ostida ushlay olsa, bu qarama-qarshilikda intrigani kuzatishimiz mumkin.
O’xshash yangiliklar
![AMP Logo](https://championat.asia/image/logo-amp.png)
Fikrlar