Bugun Osiyo chempionlar ligasida bitta o'yin bor

Kun tartibidan bitta o'yin o'rin olgan. Saudiya Arabistonining "Al Nasr" klubi o'z maydonida Qatarning "Al Sadd" jamoasini qabul qiladi. "Al Nasr" avvalgi bosqichda ikki o'yin natijasiga ko'ra BAAning "Al Vahda" klubini musobaqadan chiqarib yubordi. "Al Sadd" esa hamshahari "Al Duhayl"ni mag'lub etdi. 

Qizig'i shundaki, "Al Nasr" o'z tarixida birinchi marta OCHL chorak finaliga yo'l oldi. Avvalgi uchta ishtirokdan faqat bittasida Ar Riyod klubi guruhdan chiqib, o'z ishtirokini 1/8 finalda to'xtatgandi. 2011 yil "Zobahan" "Al Nasr"ni musobaqadan chiqarib yuborgan. 

"Al Nasr" bungacha o'z maydonida 9ta o'yin o'tkazib, shundan uchtasida imkoniyatni boy bergan. Uchta mag'lubiyatdan ikkitasi "Zobahan" bilan kechgan o'yinlarda (2016 va 2019) ro'y bergan. 

"Al Sadd" Osiyoning eng kuchli klublaridan biri hisoblanadi. Bugungi o'yinda Xavi jamoasiga koreyalik yarim himoyachi Nam Tae Xi yordam bera olmaydi. Futbolchi tizzasidan jarohat olib uch haftaga safdan chiqdi. 

"Al Sadd" bungacha Saudiya Arabistonida 9ta uchrashuv o'tkazib, umuman g'alaba bilan qaytmagan: 5 durang va 4 mag'lubiyat. 2011 yil "Al Sadd" yakunda chempion bo'lgan musobaqada "Al Nasr" bilan guruh bosqichida kuch sinashib "Al Riyod"da 1:1 hisobini qayd etgan. 

OCHL-2019. 1/4 final. Dastlabki uchrashuvlar

26 avgust. 22:45 

"Al Nasr" - "Al Sadd" 

27 avgust. 16:30 

"SHanxay SIPG" - "Urava Reds" 

27 avgust. 22:45

"Al Ittihod" - "Al Hilol" 

28 avgust. 17:00

"Guangju Evergrand" - "Kashima Antlers"